Hibo Nuura Iyo Nageeye | Rooblow | Ruuneey | markii aan ku rabay | Ruuney hees | Rabigay ka yaaboo

Heesta : Rooblow
Codadka: Hibo Nuura & C/qadir X Nageeye
LYRICS: DHUGMAAL LYRICS

QORAALKA HEESTA (LYRICS)

Hibo:
Rooblow
Raasamaal nin haystoo
Maal badan rakaatay
Iyo kii rafaadee
Raaskiisu maranyahay
Rug ma wada degaannoo
Looma wada riyaaqee

Waan kuu rakadayoo
Ra'yigii aan leeyaan
Kaa raaridaayee

Sida roob gu'yoo da’oo
Ramaaskiina bixiyaa
Nafta raali galisee

Rabigay ka yaaboo
Ama raali ii noqo
Ama raadso meel kale

Nageeeye:

Ruuney
Nin rafaadi jiray abad
Markuu raaxa weyn helo
Rarankuu horay u maray
Raacdo uguma laabtee
Waa ka sii rucleeyaa
Ilayn waa ku rubad go’ay

Markii aan ku rabay baad
Raadkayga goysooyd
Mid kale u rucleysee

Kii layga rogay baa
Reeryadaa ku saaree
Anna kaama ridayee

Rabigay ka yaabayee
Ha i raali galininee
Ruuxaaga iga qari

Hibo:
Rooblow
Anba kaama roorinee
Ra’yi xumaa i qaadoo
Raarkii aan fuulaa
Riiqdiis i haysaa
Kaa reysan waayee
Rixin goys ha noqoninee

Riixii jaceylkiyo
Rarankii dhadhamiyoo
Waa aniga rafaadee

Sida roob gu'yoo da’oo
Ramaaskiina bixiyaa
Nafta raali galisee

Rabigay ka yaaboo
Ama raali ii noqo
Ama raadso meel kale

Nageeye:
Ruuneey
Waxaan kugu riyoodoo
Been aan rumaystoo
Reeryo lay dul saaroo
Riddo waran la jiifee
Rafiiqay ka qariyaba
Iminka waan ka raystee

Markii aan ku rabay baad
Raadkayga goysooyd
Mid kale u rucleysee

Kii layga rogay baa
Reeryadaa ku saaree
Anna kaama ridayee

Rabigeen ka yaabayee
Ha i raali galininee
Ruuxaaga iga qari
#dhugmaal_lyrics #dhugmaallyrics