Эрилик Эристиин "Бөтүҥнэр" кэпсээн

Канал сайдыытыгар хаччынан ойуургэ Сбербанк 2202 2002 9845 8959 (Васильева М.Б.)

Эрилик Эристиин (Яковлев Семен Степанович) (24.01.1892—06.10.1942) — саха поэта, прозаига.
1892 с. тохсунньу 24 күнүгэр Боотур Уус улууһугар Чакыр нэһилиэккэ (билиҥҥи Чурапчы улууһа) төрөөбүт.
Гражданскай сэрии кэмигэр — кыһыл партизан.
1923 сыллаахтан бэчээттэнэр буолбута.
1924 сылтан — ССКП чилиэнэ, ССРС Суруйааччыларын сойууһун 1938 сылтан чилиэнэ.
1928 сыллаахха «Чолбон» сурунаалга «Соһуччу үөрүү» диэн кини бастакы сэһэнэ тахсыбыта.
1931—1942 сыллар Эрилик Эристиин айар үлэтигэр өрө көтөҕүллүү кэмэ этэ. «Бассабыык Тиихээн», «Тулаайах Уйбаанчык» поэмаларга кини революционер-бассабыык дьылђатын көрдөрбутэ. «Революция уолаттара», «Аймалђан» сэһэннэр атын омук — Казахстан, Бурятия — национальнай геройдарын олохторуттан суруллубуттара.
Суруйааччы 1942 сыллаахха, көрбөт буолан баран, «Маарыкчаан ыччаттара» романын бүтэрэр. Бу роман кэнники хас да төгүллээн сахалыы, нууччалыы бэчээттэммитэ.
Саха Сирин суруйааччыларын сойууһа уонна Эрилик Эристиин аатынан совхоз сыл аайы тыа сирин олођун туһунан бастың уус-уран айымньыга бэриллэр литературнай бириэмийэни олохтообуттара. Эрилик Эристиин төрөөбүт сиригэр Чурапчы улууһун Чакырыгар киниэхэ аналлаах түмэл дьиэ аһыллыбыта.