Скачать или смотреть បងប្អូនដែលជាសត្រូវ ភាគទី៤

រឿងរ៉ាវដំបូងនៃជម្លោះរវាងខ្មែរក្រហម និងវៀតណាម ការប្រឈមគ្នារវាងចិន និងវៀតណាម។ ខ្មែរក្រហមវាយដណ្តើមគ្រប់គ្រងកោះត្រល់ វៀតណាមវាយបកវិញភ្លាម ហើយបន្តវាយយកកោះ។ សង្គ្រាមឥណ្ឌូចិនលើកទី៣ ពិតជាមិនអាចចៀសរួចមែនទេ? ដោយក្រឡេក មើលទៅអតីតកាល គេអាចឆ្លើយព្រមគ្នាថា៖ “អាចចៀសរួច និងមិនអាចចៀសរួច”។ ប្រាកដហើយ ភាពតានតឹងដ៏ជាក់លាក់មួយនៅតែមាន។ ប្រវត្តិសាស្ត្របានបន្សល់នូវស្លាកស្នាមយ៉ាងជ្រៅក្នុងផ្នត់គំនិតគូទំនាស់ផ្សេងៗ មួយផ្នែក គឺវៀតណាម និងខ្មែរ ហើយមួយផ្នែកទៀត គឺវៀតណាម និងចិន ដែលតែងមិនទុកចិត្តគ្នាទៅវិញទៅមកយ៉ាងខ្លាំង។ ដំណើរផុសឡើងវិញនូវចលនាអ្នកជាតិនិយម ដើម្បីទាមទារទឹកដី និងការតស៊ូដើម្បីការត្រួតត្រាប្រភពធនធានផ្សេងៗ ដែលធ្វើឲ្យខ្សោះអស់តាំងពីយូរមកហើយ ដោយការកាន់កាប់របស់អាណានិគម និងការធ្វើអន្តរាគមន៍របស់បរទេស គឺសុទ្ធតែជារឿងដែលមានធម្មតាក្នុងវិធានការជាក់លាក់មួយ។ ប៉ុន្តែក្នុងពេលនោះ គ្មានអ្នកណាម្នាក់បោះបង់សង្រ្គាមមួយដោយពិតប្រាកដនោះទេ។

ឯកសារនេះដកស្រង់ចេញពី មជ្ឈមណ្ឌលឯកសារកម្ពុជា ស្នាដៃនិពន្ធ លោក ណាយ៉ាន់ ចាន់ដា ជនជាតិឥណ្ឌា ប្រែសម្រួលដោយលោក ទេប ម៉េងឃាង ពិនិត្យ និងកែសម្រួលដោយ លោក ឆាំង យុ ។