鮑魚大王楊貫一音樂監製陳匡榮分別設靈 親友致祭憶過往哀傷肅穆

鮑魚大王楊貫一音樂監製陳匡榮分別設靈 親友致祭憶過往哀傷肅穆

譽滿中外；有「鮑魚大王」稱號嘅 楊貫一 上月離世，享年90歲。家人呢日為一哥設靈，生前政商好友都先後到場送別，而生前同佢關係密切嘅「鮑魚公主」Lisa亦都現在身協助打點，圈中人 黎燕珊 朱潔儀 蕭秀香 黃淑儀 亦有到場致祭。

身為同行嘅三姐提到，一哥對後輩一向提携又關照，仲一直有堅持請大家食美食嘅習慣，更深受同業尊重，知道一哥離世更覺得非常愕然。至於綵排完舞台劇後趕至嘅珊姐，就話同一哥相識已久，對方嘅隨和令自己印象非常深刻。

同樣認識一哥廿多年嘅Gigi姐，就提到過往不時向對方請教廚藝心得，更指對方不吝公開唔少秘訣，又指對方和藹之餘亦非常大方。

而身為一哥徒弟之一嘅朱潔儀，就憶述當年隨口一句就獲一哥收為徒，仲話烹調鮑魚手法就係師承自一哥，仲被師傅打80分高分。

同日樂壇另一重要人物「大飛」陳匡榮亦設靈，曾為唔少歌手製作唔少名曲嘅大飛月初僅以52歲之齡離世，獲唔少樂壇朋友送上花圈致哀，靈堂以大形演奏相作靈照， 陳奕迅 夫婦 杜如風 布志綸 連炎輝 等分別到場，據指 何超儀 同丈夫 陳子聰 亦低調到場送別多年好友。

#楊貫一 #鮑魚大王 #大飛 #陳匡榮 #設靈 #黎燕珊 #朱潔儀 #蕭秀香 #黃淑儀 #陳奕迅 #杜如風 #布志綸 #連炎輝
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0