Göyçə mahalının igid oğlu Milli Qəhrəman Etibar Hacıyev - Heç kim unudulmur, heç nə yaddan çıxmır

Hacıyev Etibar Firudin oğlu — Azərbaycanın Milli Qəhrəmanı, Qarabağ müharibəsi şəhidi.
1971-ci ildə Göyçə mahalının Basarkeçər rayonunun Zod kəndində anadan olmuşdur. Zod kənd orta məktəbini bitirdikdən sonra bir müddət sovxozda işləmişdir. Erməni millətçiləri və separatçıları tərəfindən oradakı soydaşlarımız qovulan zaman onun ailəsi Kəlbəcər rayonuna pənah gətirir. Etibar 1989-cu ildə hərbi xidmətə çağırılır, ordudan tərxis edildikdən sonra isə vətənə geri dönür.

1992-ci ildə Etibar könüllü olaraq Milli Orduya yazılır və torpaqlarımızın müdafiəsinə qalxır. Böyük Canbar, Kiçik Canbar, Buzluq, Erkəç kəndlərinin erməni quldurlarından azad edilməsində xüsusi fədakarlıq göstərir. 1992-ci il 15 iyun Goranboy rayonunun Ağcakənd kəndinin azad edilməsi uğrunda gedən döyüşlərdə qəhrəmancasına həlak olur. Subay idi. Azərbaycan Respublikası prezidentinin fərmanı ilə Hacıyev Etibar Firudin oğluna ölümündən sonra "Azərbaycanın Milli Qəhrəmanı" adına layiq görülmüşdür.

Göygöl rayonunda dəfn edilmişdir.

Göygöl rayonunda küçələrdən biri qəhrəmanımızın adını daşıyır.

  / ictimai.tv  
  / ictimaitv.official  
https://itv.az/

#ictimaitv #video #televiziya #baku #videolar #itv