អបអរសាទរ ៥ សីហា ២០២៤ ថ្ងៃប្រវត្តិសាស្ត្រនៃពិធីបើកការដ្ឋានសាងសង់ព្រែកជីកហ្វូណនតេជោ

------------------------
#ឃួនសុដារី #khuonsudary #កម្ពុជា #Cambodia #រដ្ឋសភា #nationalassembly #សន្តិភាពនៅកម្ពុជា #peaceofcambodia #ព្រែកជីកហ្វូណនតេជោ
------------------------
អបអរសាទរ ៥ សីហា ២០២៤ ថ្ងៃប្រវត្តិសាស្ត្រនៃពិធីបើកការដ្ឋានសាងសង់ព្រែកជីកហ្វូណនតេជោ
------------------------

ក្រោមបរិយាកាសដ៏សែនរំភើបរីករាយ អធិកអធមក្រៃលែង អមដោយសំឡេងវាយគង ជួង រគាំង ស្គរ យ៉ាងកងរំពងពីវិមានរដ្ឋសភា សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា ថ្នាក់ដឹកនាំ និងសមាជិកសមាជិការដ្ឋសភានៃព្រះរាជាណាចក្រកម្ពុជា បានចូលរួមអបអរសាទរពិធីបើកការដ្ឋានសាងសង់គម្រោង “ព្រែកជីកហ្វូណនតេជោ” ដែលត្រូវបានបើកជាផ្លូវការនៅព្រឹកថ្ងៃទី៥ ខែសីហា ឆ្នាំ២០២៤ ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា។

ប្រជាពលរដ្ឋខ្មែរទំាងក្នុងនិងក្រៅប្រទេស បាននាំគ្នាមូលមីចូលរួមអបអរសាទរពីទីកន្លែងរៀងៗខ្លួន យ៉ាងគគ្រឹកគគ្រេង អឹងកង។ នៅវិមានរដ្ឋសភា សម្តេចប្រធានរដ្ឋសភា បានអញ្ជើញទូងស្គរជ័យ ចំណែកអ្នកចូលរួមបានទះដៃ អបអរសាទរ បង្ហោះប៉េងប៉ោង បន្លឺសំឡេងយ៉ាងកងរំពងសប្បាយរីករាយព្រមៗគ្នានៅវេលាម៉ោង៩:០៩ នាទី ស្របពេលសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ចុចប៊ូតុងបើកការដ្ឋានសាងសង់ជាផ្លូវការ ស្ថិតក្នុងភូមិព្រែកតាកែវ ឃុំសំរោងធំ ស្រុកកៀនស្វាយ ខេត្តកណ្តាល៕