Скачать или смотреть INDIA LEH CHINA INKARA BUAINA || CHINA A TLAWM ||

Kan hriat angin India hian ram dang hi a bei hmasa ngai lo a, englai pawha remna leh muanna duhtu a ni thin. Thenawm ram Pakistan pawhin a rawn cho hmasa ziah a, hnehna erawh India kutah a awm leh thin a ni. Kum 1962-khan India inring lo lai chu China in a bei thut mai a, chiang takin India a tlawm. Kum 1965-ah Pakistan-in India hi a rawn bei leh a, remna an ziak zui. Hetah hian India hi hnehna chang zawk anga ngaih a ni. A chhan chu Pakistan lamin indo zel kha a tlin tawh loh thu a sawi miau a. Tin, India hian Pakistan ram thui tak a luah hman nghe nghe a nih kha.
Kum 3 chhungin India hian indona lian tham vawi 2- a hmachhawn a, kum 2 dang a vei leh dawn meuh chuan China bawk chu an rawn lang leh ta! Kum 1967 June thla a ni a, China Airport pakhatah chuan Chinese Red Guard leh mipui tam takin Indian Embassy-a thawk mi pahnih chu an hnuk hrep mai a, an sawisa bawk a ni. Chutah khawvel mite hnenah chuan heng mi pahnih hi enthlatu (spy) angin an chhuah zui a. He thu hian India pawh a ti lungawi lo nasa mai a, Delhi-a Chinese Embassy chu mipuite'n an bei ve ta ngat a, 'India hi khawvel ram dang lakah a kun ngai lo ang' an ti ve a ni. Mahse, eng vangin nge China chuan Indian Embassy-a thawkte chutiang anga a lo tih ngawt? India-in engtin nge China chu a tih tlawm tak?

By : Zairemthanga