Скачать или смотреть မြန်မာနဲ့ ပြန်ဆက်ဆံဖို့ အမေရိကန်ကို တိုက်တွန်းနေတဲ့ ဆောင်းပါးတွေရဲ့နောက်မှာ ဘာရှိလဲ (ရုပ်/သံ)

အခု ၂၀၂၆ ခုနှစ်ရဲ့ ပထမတလကျော်အတွင်းမှာ အမေရိကန်အစိုးရအနေနဲ့ မြန်မာစစ်ကော်မရှင်နဲ့ ပြန်လည်ထိတွေ့ဆက်ဆံဖို့ တိုက်တွန်းတဲ့ ဆောင်းပါးတွေ The Hill၊ Washington Times နဲ့ Forbes တို့လို ထိပ်တန်းမီဒီယာတွေမှာ ဆက်တိုက်ဆိုသလို ထွက်ပေါ်လာနေပါတယ်။

ဒီဆောင်းပါးတွေမှာ အမေရိကန်ရဲ့ ငါးနှစ်ကြာ ပိတ်ဆို့အရေးယူမှုတွေဟာ ထိရောက်မှုမရှိဘဲ မြန်မာနိုင်ငံကို တရုတ်ရဲ့ ဩဇာအောက် ပိုမိုတွန်းပို့သလို ဖြစ်နေကြောင်းနဲ့ မြေရှားသတ္တုလို မဟာဗျူဟာမြောက် သယံဇာတ အကျိုးစီးပွားတွေအတွက် စစ်ကော်မရှင်နဲ့ ပြန်လည်ဆက်ဆံရေး ထူထောင်ဖို့ တိုက်တွန်းထားတာကို တွေ့ရပါတယ်။

ဒါပေမဲ့ ဒီလိုဆောင်းပါးတွေ ဆက်တိုက်ထွက်ပေါ်လာတာဟာ မြန်မာစစ်ကော်မရှင်က ဒေါ်လာသန်းချီ အကုန်အကျခံပြီး ငှားရမ်းထားတဲ့ အမေရိကန်လော်ဘီကုမ္ပဏီတွေရဲ့ နောက်ကွယ်က ကြိုးပမ်းမှုတွေဖြစ်နိုင်တယ်လို့ မြန်မာ့အရေးတက်ကြွလှုပ်ရှားသူတွေက ဝေဖန်ထောက်ပြကြပါတယ်။

ဝါရှင်တန်အခြေစိုက် လေ့လာသူတွေရဲ့ အဆိုအရ ဒါဟာ စစ်ကော်မရှင်ရဲ့ ပုံရိပ်ကို ဖုံးဖိမြှင့်တင်ဖို့နဲ့ အမေရိကန်ရဲ့ မူဝါဒကို ပြောင်းလဲစေဖို့ မီဒီယာတွေကို ဗျူဟာကျကျ အသုံးချပြီး နိုင်ငံရေးသမားတွေနဲ့ ပြည်သူတွေကို လွှမ်းမိုးဖို့ ကြိုးစားနေတဲ့ PR စစ်ဆင်ရေးတခုသာ ဖြစ်တယ်လို့ သိရပါတယ်။

#မြန်မာ #ဧရာဝတီ #အမေရိကန် #လော်ဘီ #McKeonGroup #DCIGroup #WhatIshappensInMyanmar