ពាក្យស្លោកមួយបានចែងថា៖«ការងារសុចរិតជាប្រភពនៃសុភមង្គល»។

Khoeurm kimchek គឺឆែនណលមួយដែលបង្កើតឡើងសម្រាប់ចែករំលែកចំណេះដឹងខាងផ្នែកភាសាខ្មែរមានសំណេរតែងសេចក្តី វេយ្យាករណ៍ ។ រាល់មតិ និងសំណូមពរ សូមបងប្អូនដាក់នៅខាងក្រោមវីឌីអូណាមួយក៏បាន។ សូមអធ្យាស្រ័យផងសម្រាប់ការខុសឆ្គងដោយអចេតនា! Khoeurm kimchek is a channel created to share Khmer Grammar, Khmer Essay Writing, and other literature. Hope you will enjoy it. Thanks for Subscribe, like, and view our videos.
ពាក្យស្លោកមួយបានចែងថា៖«ការងារសុចរិតជាប្រភពនៃសុភមង្គល»។
ធម្មជាតិជាមនុស្សគ្រប់រូបកើតមកមានជីវិតលើភពផែនដីយើងនេះរមែងតែងតែមានបំណងប្រាថ្នាចង់បាននូវការរស់នៅដែលមានឧត្ដមភាពគឺការមានសេចក្ដីសុខសុភមង្គលទាំងផ្លូវកាយ និងផ្លូវចិត្តដោយខិតខំតស៊ូធ្វើសកម្មភាពគ្រប់បែបយ៉ាងក្នុងជីវិត។ ដើម្បីសម្រេចបានតាមបំណងខាងលើនេះលុះត្រាតែពួកគេខិតខំតស៊ូគិតធ្វើកិច្ចការងារ ឬមុខរបរទាំងឡាយណាដែលល្អត្រឹមត្រូវស្របតាមមនសិការ សីលធម៌ និងច្បាប់កំណត់របស់សង្គម។ អាស្រ័យលើហេតុផលនេះហើយទើបមានពាក្យស្លោកមួយឃ្លាចែងថា៖«ការងារសុចរិតជាប្រភពនៃសុភមង្គល»។
តើពាក្យស្លោកខាងលើនេះមានអត្ថន័យដូចម្ដេចខ្លះ?
ដើម្បីជាជំនួយដល់ការបកស្រាយបញ្ហាប្រធានខាងលើឱ្យបានក្បោះក្បាយជាដំបូងយើងគួរគប្បីយល់ន័យរបស់ពាក្យគន្លឹះមួយចំនួនជាមុនសិន។ ពាក្យ ការងារសុចរិតមានន័យថាជាអាជីពឬមុខរបរ ជាកិច្ចការដែលត្រឹមត្រូវស្របតាមមនសិការ សីលធម៌ ឬច្បាប់កំណត់របស់សង្គម។ ឯពាក្យ ប្រភពមានន័យថាជាដើមចម ជាដើមហេតុ ជាដើមកំណើត។ រីឯពាក្យ សុភមង្គលមានន័យថាសេចក្ដីសុខកាយ និងចិត្ត ឬសេចក្ដីចម្រើន។ ដូច្នេះគំនិតរបស់ប្រធានខាងលើចង់បានន័យសេចក្ដីថាកិច្ចការងារទាំងអស់ដែលជាអាជីព ឬមុខរបរដែលត្រឹមត្រូវស្របតាមមនសិការ សីលធម៌ ច្បាប់សង្គមសម្រាប់ចិញ្ចឹមជីវិតជាប្រចាំថ្ងៃនោះគឺជាដើមហេតុនៃសេចក្ដីសុខកាយ និងចិត្ត ឬសេចក្ដីចម្រើនក្នុងជីវិតមនុស្ស។