خالد ال بريك & أنا لي ثلاث ايام فيه سطر وشعاف 2024

لايك للفيديو + إشترك معنا
subscribe + Like

‎فعل الجرس 🛎
‎ليصلك كل جديد✔️
..

" لمتابعة شيلات الروقي عبر السناب "

  / u511a  



أنا لي ثلاث ايام فيه سطر وشعاف
تقول اني أ خم السحابه وأعانقها

بعد شفت طرح الهارب الزين زان القاف
تسابقني حروف القصايد و سابقها

سبحت ب خيالي في بحر يتعب الغراف
تساوت مغارب فكرتي مع مشارقها

ابضرب بسيفي صدرها واترك الأطراف
فرايد بيوت الشعر للشعر أحققها

كلام ٍ ( يجملني ) ليا عد للعراف
اسوقه هدوو للي تنومس طرايقها

خوالي بني عمي علمهم على المشراف
اماري بحاضرها واماري بسابقها

لهم فعل فالحاضر وفي ماضي الأسلاف
على صفحه التاريخ تقرا حقايقها

خوال السعد بيت الكرم مزبن الخواف
دماث الجناب المرجله ما تفارقها

ذوي زويد اللي طيبهم فالملا ينشاف
مقر الحميه وأسمهم فوق عاتقها

على الماقف الغصاب أحط الثقال أخفاف
ليا حان موعدها وركزت بيارقها

حضرنا بسبعٍ يفقهن الخصوم خلاف
بنات البعير اللي عريبه معامقها

طوال الرقاب خدودها راهيه وسخاف
ليا داحمة قنايه الابل تضايقها

وساع النحور تقول دروازه المضياف
وروس تناوش غيمه الماء وبارقها

عليها انتلاله قدم والا الظهور خلاف
من الغطرس والكبر للخلف فاهقها

وسبالٍ طوال وخشم منحي على المهياف
تدلى تقول انه من الراس سارقها

معكرش وبرها خلقت الله ذرى ولحاف
تعجبها لأعين يا سبحان خالقها

نماري بشولن بالوصايف عديم أوصاف
بعد جابها المطنوخ للعرض سايقها

نبا ندحم الجمعين وإخلاف ماش خلاف
مدام إن هرش الذود بالزين ناتقها

نبشر بها العتبان في ديره المصياف
على رقابها الحيه ل هلها توثقها

علاها وسيمة عزوة تحتمي الميقاف
ليا قامت الهيجا وثارت بنادقها

فعل مركي عتيبه يسبب سطر وشعاف
وانا قدمهم نفسي على الموت سايقها

ماجد بن حسن العصيمي