亞洲超星團丨丁子郎走出舒適圈嘗試唱跳 黃奕斌集訓期間同機械人傾偈解悶

亞洲超星團丨丁子郎走出舒適圈嘗試唱跳 黃奕斌集訓期間同機械人傾偈解悶

全新偶像選秀節目《亞洲超星團》將會喺11月25號登場，日前先釋出主題曲MV，65位嚟自內地、香港、澳門、台灣、日本同韓國等地嘅超星練習生，跳唱得相當齊整，作為香港代表嘅丁子朗，同內地大熱嘅奧利，以及日本嘅路己，喺MV入面都有單人獨白鏡頭，至於企喺舞台C位嘅就有王一博嘅同門師弟、澳門代表江信熹。

呢日丁丁同冼靖峰Archie、黃奕斌、文佐匡、黃星綽就一齊返到電視城拍攝宣傳片。喺預告入面見到Archie畀擔任總製作人嘅韓國天王Rain讃靚聲，原來幾位香港嘅代表喺私下都有向Archie請教唱歌心得，而Archie就話大家各有強項，但當佢數到丁丁時突然窒咗窒，令到身邊嘅丁丁笑住話：「諗唔到嘢讃。」

為咗呢個節目，幾位都進行封閉式訓練，其中見到丁丁喺個人跳唱主題曲嘅網上短片入面，近4分鐘嘅舞步一氣呵成，被網民大讃佢勤力蛻變，丁丁就話見到咗多位練習生後要遇強越強，佢又指覺得自己無論係體能、心態定外表上有所改變。丁丁指每日唱歌跳舞並非自己領域範圍內嘅事，但同時開心可以走出舒適圈，趁住廿幾歲可以嘗試新事物。

由於要保持最fit身形嘅關係，所以佢哋喺集訓期間要節食，文佐匡就話令佢相當唔習慣，仲因為咁瘦咗好多。而黃奕斌就話自己最唔慣嘅係集訓期間冇得玩手機，令佢悶到要同酒店嘅送餐機械人傾偈呀！


#亞洲超星團 #主題曲 #丁子朗 #冼靖峰 #黃奕斌 #文佐匡 #黃星綽 #奧利 #路己 #江信熹 #中國 #香港 #澳門 #台灣 #日本 #韓國 #超星練習生 #節食 #電視城
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0