Mali sɔrɔdasiw ko lakana lahalaaya basigira'jatigewale' binkanni kɔfɛ, Bamako

Mali Kura ye voix de l’Ameriki ka kunfoniw la seli bamanan kan nan, kabini Ameriki jamanan la, Mali ani duniya kibaruyaw kan.
00:01 MaliKura kunnafoniw kunmabaw laseli
01:46 Mali finitigiw y'a jira k'o ulu bɛ Bamakɔ binkanni kow kùnbɛn, o kɔ fɛ, u y'a jira k'a fɔ ko "jatigɛwalekɛlaw" ka don Faladjè lakana kalanso, o min ma ɲɛ. Sɔgɔmada joona fɛ, binkanniw ni marifa cilenw mɛnna pankuru bonda yɔrɔ la. A kunnafoniw VOABAMBARA kunnafonidila Georges Attino fɛ.
04:17 "Jatigewalekelaw" ka lanyini ka don Faladjè lakana kalanso kɔnɔ min ma ɲɛ, Mali sɔrɔdasiw ka fɔ la, malidenw bɛ u haikilinaw di VOABAMBARA lasigiden, Bamako Mariam Kouyaté ka kuma galama la.
06:16 Ka kenye ni jihadistiw binkanni wale min kera ka, nyesin Mali lakana kalanso kan Bamako, sigidadenw caman be u hakilinaw jira nin jatigewale ko la uka sigida la, VOABAMBARA lasigiden Pascal Traore ka nyinikanliw la
09:18 Kibaruyaw k'a ɲini ka jatigɛwalekɛlaw fe kadòn Bamakɔ Gendarmerie lakɔliso la ka kɛɲɛ ni sɔrɔdasiw ka kunnafonidisɛbɛn dɔ ye, Mali sɔrɔdasikulu ɲɛmɔgɔba, Oumar Diarra, y'o jaabi. An b’a lamɛn.
10:13 Mali la, sɔrɔdasikulu ka fangaso y’a jira kunnafonidisɛbɛn dɔ kɔnɔ sɛptembre kalo tile 17 ko “jatigɛwalekɛlaw kulu dɔ y’a ɲini ka don Faladié gendarmerie lakɔliso la” tarata sɔgɔmada joona fɛ. Silamɛya ni silamɛw dɛmɛni jɛkulu (GSIM), n’o ye jihadi jɛkulu ye min ni Al-Qaida bɛ ɲɔgɔn na, o y’a a kewale baara ta. VOABAMBARA BAMBARA farala Daba Tounkara kan, kunnafonidila Bamakɔ, ka bɔ Bamakɔ, ka ko nin ɲɛfɔ.
14:14 MaliKura kerebo kunnafoniw laseli
15:26 Mali la, jamanakuntigi ka pankuru ni sɔrɔdasi minɛnw sanni ko nin kiritigɛ bɛ daminɛ tarata, sɛptembre kalo tile 17, san 2024. Moctar Barry, VOABAMBARA lasigiden ka bɔ, bɛ akunnafoni di an ma
16:10 AES tɔnba ɲɛmɔgɔ ka san fɔlɔ jɛmukan kɔfɛ, jamana 3 tuganladenw minnu sigilen bɛ Abidjan, olu jamanadenw bɛ hami u ka siniɲɛsigi la n’u ka jamanaw bɔra CEDEAO la. Abidjan dugu kɔnɔ, VOABAMBARA lasigiden, Alpha K ni a dola mogow barola
21:57 AES san kelin nyenamayali kunnafoniw VOABAMBARA kunnafonilasela, Georges Attino ka lakalita nyininiw
25:02 Amerique Donald Trump seginna yerekofo la taratadon, a taara Michigan tile fila o kɔfɛ, mɔgɔfaga ɲinini min kɛra a kan, o ma ɲɛ a ka gɔlf-yɔrɔ la Floride. A ka democrate tɔn ɲɔgɔndankɛla Kamala Harris fana bɛna yerekofo kɛ, k’a sɔrɔ a bɛ taa Pennsylvanie mara jɔnjɔn na walasa ka ɲininkali kɛ jamana kunnafonidilaw ka tɔnba la.
25:36 Putin y’a bolonɔ bila sariya dɔ la tenin don k’a yamaruya ka dɔ fara sɔrɔdasi hakɛ kan ni 15% ɲɔgɔn ye, k’a kɛ miliyɔn 1,5 ye ka bɔ miliyɔn 1,32 na sisan k’a sababu kɛ bagabagali ye a ka tlebinyanfan dancɛw la, marifatigiw ka kɛlɛw cɛma ni ‘Ukraine’ ye. Allemagne bɛna dɛmɛ miliyɔn 100 di walasa ka Ukraine dɛmɛ ka tɛmɛn fonɛnɛ nata fɛ hali ni Russie ye binkanni kɛ a ka fanga sɔrɔyɔrɔw kan, jamana kɔkankow minisiriso y’o laseli kɛ tarata don
26:30 Farikolo ngnenaje la, Afro sanfe celu U18, farafina woroduguyanfan san 2024 ta hukumu kɔnɔ, farafina ntolatantɔn ŋanaw bisimila ni nisɔndiyaba ye kunun jumadon sɛtanburukalo tile 16 Bamakɔ. Siaka Traore be a lakali
28:45 MaliKura kunnafoniw kunceli laseli.