Скачать или смотреть ប្រវត្តិ ជួន ប្រសិទ្ធ មន្រ្ដីទូតខ្មែរក្រហម នៅអង្គការសហប្រជាជាតិ | Thiounn Prasith

-លោក ជួន ប្រសិទ្ធ គឺជាអតីតមន្រ្ដីជាន់ខ្ពស់មួយរូបនៅក្នុងរបបខ្មែរក្រហម។ ក្នុងរបបខ្មែរក្រហម លោកធ្វើការជាអ្នកបកប្រែនៅក្រសួងការបរទេស។ ហើយលោកក៏ជាទីប្រឹក្សាជិតស្និទ្ធរបស់ អៀង សារី ផងដែរ។ នៅចុងឆ្នាំ១៩៧៦ គាត់ត្រូវបានអង្គការចាប់សួរចំលើយ ដោយលេសចោតថាជាគេញកាហ្សេបេ សេអីអា តែក្រោយមកត្រូវបានដោះលែងវិញ ក្រោយអន្តរាគមន៍ពី អៀង សារី។ បន្ទាប់ពីរបប ប៉ុល ពត បានធ្លាក់ក្នុងដំណើរការឈ្លានពានរបស់វៀតណាមឆ្នាំ១៩៧៩ ជួន ប្រសិទ្ធ បានទៅអង្គការសហប្រជាជាតិ នៅទីក្រុងញូវយ៉ក ជាមួយព្រះសីហនុ និងលោក គៀត ឈន់។ ពីឆ្នាំ ១៩៧៩ ដល់ឆ្នាំ ១៩៩១ លោកត្រូវបានតែងតាំងជាឯកអគ្គរដ្ឋទូតអចិន្ត្រៃយ៍របស់អង្គការសហប្រជាជាតិតំណាងឱ្យខ្មែរក្រហម។ លោកបានការពាររបបខ្មែរក្រហមនៅចំពោះមុខអង្គការសហប្រជាជាតិ។ ក្រោយមក លោកត្រូវបានតែងតាំងជាឯកអគ្គរដ្ឋទូតរង។ លោកបានទទួលមរណភាពនៅ ទីក្រុងប៉ារីស នៅថ្ងៃទី២ ខែមិថុនា ឆ្នាំ២០២៣ ក្នុងអាយុ៩៣ ឆ្នាំ។

-ការចូលទស្សនារបស់បងប្អូន គឺជាកិត្តិយសរបស់ខ្ញុំបាទ ដែលជាអ្នកផលិត! ការពិតទៅ ខ្ញុំបាទមិនមែនជាអ្នកពូកែខាងប្រវត្តិសាស្រ្ដនោះទេ​ តែដោយចូលចិត្តប្រវត្តិសាស្រ្ដ ក៏ច្នៃអត្ថបទផ្សេងៗ ដែលខ្ញុំរកបានតាមរយៈ សៀវភៅ ឬក៏ពី Internet របស់អ្នកនិពន្ធជាន់ដើម ឬជាន់នេះ មកផលិតជាវីដេអូនេះឡើង។ ដូច្នេះខ្ញុំសូមគោរពរាល់ស្នាដៃរបស់អ្នកនិពន្ធទាំងអស់ដែលបានចែករំលែក ដែលធ្វើឲ្យខ្ញុំមានលទ្ធភាព អាចផលិតវីដេអូនេះបាន។

-ខ្ញុំបាទជឿជាក់ថា មិត្តអ្នកស្ដាប់គ្រប់ស្រទាប់វណ្ណៈ ដែលជារៀមច្បង ឬជាសិស្សប្អូន... នឹងមិនបណ្ដោយឱ្យចំណុចខ្វះខាតដែលកើតមាននៅក្នុងវីដេអូនេះ ត្រូវបន្ដរអត្ថិភាព ដោយគ្មានការកែលម្អរនោះឡើយ!

-ខ្ញុំបាទសូមគោរពជូនពរបងប្អូនជនរួមជាតិ សូម សមប្រកប ជួបប្រទះ តែសេចក្ដីសុខ សុភមង្គលពេញមួយជីវិត។ សូមអរព្រះគុណនិងអរគុណ!

-ឯកសារយោង៖ មជ្ឈមណ្ឌលស្រាវជ្រាវឯកសារកម្ពុជា (ស្វែងរកការពិត)

#ជួនប្រសិទ្ធ #ThiounnPrasith #មន្រ្ដីទូតខ្មែរក្រហម