Скачать или смотреть சம்பா உள்ளிட்ட பிற பயிர்களுக்கு வழக்கம் போல் பயிர் காப்பீடு தொடரும் அமைச்சர் M.R.K.P தகவல்

குருவை நெற்பயிர்கள் முதிர்ச்சி நிலையில் உள்ளதால் நடப்புக்கு குறுவைக்கு காப்பீடு செய்ய ஏற்ற சூழல் இல்லை. இயற்கை இடர்பாடுகளால் குருவை நெல் பயிருக்கு பாதிப்பு ஏற்பட்டால் அதற்கான நிவாரண தொகை மாநில பேரிடர் நிவாரண நிதியிலிருந்து வழங்கப்படும். சம்பா உள்ளிட்ட பிற பயிர்களுக்கு வழக்கம்போல் பயிர் காப்பீடு தொடரும் வேளாண் துறை மற்றும் உழவர் நலன் துறை அமைச்சர் எம் ஆர் கே பன்னீர்செல்வம் தகவல்.

கடலூரில் வேளாண் மற்றும் உழவர் நலத்துறை அமைச்சர் எம்.ஆர்.கே பன்னீர்செல்வம் செய்தியாளர்களை சந்தித்தார்

2021-2022ஆம் ஆண்டில் இரண்டு முறை பயிர்க் காப்பீடுத் திட்டத்திற்கென ஒப்பந்தப்புள்ளி கோரப்பட்டு காப்பீட்டு நிறுவனங்களால் காப்பீட்டுக் கட்டண விகிதம் அதிகளவில் குறிப்பிடப்பட்டு இருந்ததால் அதை ஏற்க இயலாமல் மாநில அரசு இரத்து செய்தது . விவசாயிகளின் நலனைக் கருத்தில் கொண்டு மூன்றாவது முறையாக 3.8.2021 அன்று ஒப்பந்தப்புள்ளி கோரப்பட்டு பிரதம மந்திரி பயிர் காப்பீட்டு திட்டத்தை 80:20 பகிர்மான அடிப்படையில் இணை காப்பீட்டுத் திட்டமாக செயல்படுத்த இறுதி செய்யப்பட்டது . இதனை தொடர்ந்து 19.8.2021 அன்று பயிர் அறிவிக்கை வெளியிடப்பட்டு பிரதம மந்திரி பயிர் காப்பீட்டு திட்டத்தின் கீழ் நடப்புக் குறுவை பருவத்தில் நெல் மற்றும் தட்டைப்பயறு தவிர்த்து

மற்ற அனைத்து பயிர்களுக்கும் காப்பீடு செய்ய அறிவிக்கை செய்யப்பட்டு பதிவு நடைபெற்று வருகிறது . மாவட்டங்களில் டெல்டா சாகுபடி செய்யப்பட்ட நேரடி கொள்முதல் குறுவைப்பருவத்தில் செய்யப்பட்ட 4.9 இலட்சம் ஏக்கர் நெற்பரப்பில் இதுவரை , 54,000 ஏக்கர் பரப்பளவில் அறுவடை முடிவுற்றுள்ளது . குறுவைப்பருவத்தில் , அறுவடை நெல்மணிகளை விவசாயிகள் நிலையங்களுக்கு கொண்டு சென்று விற்பனை செய்து வருகிறார்கள் . மேலும் , பெரும்பாலான பரப்பளவில் சாகுபடி செய்யப்பட்ட குறுவை நெற்பயிர்கள் முதிர்ச்சி நிலையில் உள்ளதால் , நடப்பு குறுவை ( காரீப் ) பருவத்தில் நெற் பயிரை காப்பீடு செய்திட அறிவிக்கை வெளியிடும் சூழல் எழவில்லை . எனினும் , இயற்கை இடர்பாடுகளால் குறுவை நெற்பயிரில் ஏதேனும் பாதிப்பு ஏற்பட்டால் அதற்கான நிவாரணத் தொகை மாநில பேரிடர் நிவாரண நிதியிலிருந்து வழங்க நடவடிக்கை எடுக்கப்படும் என ஏற்கெனவே தெரிவிக்கப்பட்டுள்ளது . தமிழகத்தில் பெரும்பான்மையான நெல் சாகுபடி சம்பா, தாளடி, பிசானம் மற்றும் நவரை கோடை பருவத்தில் நடைபெறுவதால் , இப்பருவநெற்பயிர்களை பயிர் காப்பீட்டுத் திட்டத்தின் கீழ் , காப்பீடு செய்திட தமிழ்நாடு அரசால் அறிவிக்கை வெளியிடப்பட்டுள்ளது . எனவே சம்பா, தாளடி பருவ நெல் சாகுபடி செய்யும் விவசாயிகள் தங்களது நெற்பயிரினை காப்பீடு செய்து பயன்பெறலாம் என கொள்ளப்படுகிறது . தெரிவித்துக் விவசாயிகளின் நலனில் மிகுந்த அக்கறைக் கொண்டுள்ள தமிழ்நாடு அரசால் வேளாண்மைத் துறைக்கென தனி நிதிநிலை அறிக்கை தாக்கல் செய்யப்பட்டது . மேலும் 2020-2021ஆம் ஆண்டு சம்பா பருவத்தில் காப்பீடு செய்யப்பட்ட நெற்பயிர் உட்பட இதர பயிர்களுக்குரிய மாநில அரசின் காப்பீட்டுக் கட்டண மானியமாக ரூ .1248.92 கோடி 16.8.2021 அன்று விடுவித்துள்ளது . இந்த அரசு எப்பொழுதும் விவசாயிகளின் நலனில் அக்கறையுள்ள அரசாக இருக்குமென தெரிவித்தார்.