Taaza Kalam تازہ کلام (Dankeschön Jalsa Germany 2024 ڈانکے شُن جرمنی جلسہ سالانہ) Dr Tariq Bajwa

(Stau Jalsa Salana Germany 2024)
Ham Peh Rahmat Ke Jo Aasar Nazar Aate Hain ہم پہ رحمت کے جو اسباب چلے آتے ہیں

MehmN Ke Qadmon Kö Koi Rok Raha Hai
میہمان کے قدموں کو کوئی روک رہا ہے

Taaz Kalam تازہ کلام (Dankeschön Jalsa Germany 2024 ڈانکے شُن جرمنی جلسہ سالانہ) Dr Tariq Bajwa

ڈانکے شُن ۔۔۔ جرمنی جلسہ سالانہ

ہم پہ رحمت کے جو اسباب چلے آتے ہیں
جلسہ سالانہ پہ احباب چلے آتے ہیں

مِیل ہا مِیل کے بھی ، فاصلے وہ طے کر کے
دل جو ہو جاتے ہیں بے تاب چلے آتے ہیں

سختیاں جھیلیں *“شٹاؤ “ میں خدا کی خاطر
دل کی کھیتی کریں سیراب چلے آتے ہیں

کامراں ہوتے ہیں مہمانوں کی خدمت کر کے
فتح گھر کے کریں ، ابواب چلے آتے ہیں

دیں کی خدمت کے لئے دیکھو عجب یہ خادم
گھر میں ہوتے ہیں جو نوّاب چلے آتے ہیں

وقت اور مال کی بڑھ چڑھ کے جو دیں قربانی
قابلِ رشک ہیں اصحاب ، چلے آتے ہیں

اس کی کرنوں سے منوّر ہوں جو نکلا سورج
ساتھ انجم لئے ، مہتاب چلے آتے ہیں

آس کی ڈور نہ ٹو ٹے کہیں مایوسی میں
تا کہ ہو جائیں وہ شاداب چلے آتے ہیں

ہاتھ میں لیتا ہے پتوار خدا ناؤ کی
جب کوئی رستے میں گرداب چلے آتے ہیں

اچھے اچھوں کو ڈبو دیتی ہے دنیا کی ہوس
ہو نہ جائیں کہیں غرقاب چلے آتے ہیں

ضعفِ ایمان کا خطرہ نہیں ہوتا طارِقؔ
کرنے مضبوط جو ، اعصاب چلے آتے ہیں

ڈاکٹر طارق انور باجوہ- لندن
حال نزیل جرمنی

*شٹاؤ (Stau ) : جرمن زبان میں ٹریفک جام کو کہتے ہیں


23.8.2024
غزل
مہمان کے قدموں کو ، کوئی روک رہا ہے
مہمان نوازی کے لئے دل تو بچھا ہے

اک ہجر کی تکلیف بھی دیکھی تھی ، مگر اب
فرقت کا جو غم ہے ، بڑی مشکل سے سہا ہے

اس کو بھی تو ملنے کا تمہیں ، شوق تھا لیکن
حالات کے ہاتھوں کوئی مجبور ہوا ہے

تڑپے گا تو ملنے کو چلا آئے گا خود ہی
وہ جس کے مقدّر میں لکھی تیری لقا ہے

مانا کہ بہت لوگ مرے دل میں بسے ہیں
چاہت جو تری ہے تو وہ ان سب سے سَوا ہے

اے کاش کہ الفاظ میں ڈھل سکتی محبّت
شیرینئ جذبات میں ہر حرف رچا ہے

لیکن مجھے پیارا ہے وہی سب سے ہے پیارا
میرے لئے جس نے تجھے محبوب کیا ہے

طارِق تجھے حالات نے صیقل کیا ، تب ہی
عِرفان یہ پایا کہ ، ترا زندہ خدا ہے

ڈاکٹر طارق انور باجوہ-لندن
حال نزیل جرمنی