Скачать или смотреть NOVEL||ORU JANMATHIL PALAJANMAM||BY INDIRAKRISHNAN ||

ഒരുജന്മത്തിൽ പല ജന്മങ്ങൾ

നോവൽ 4
രാവിലെ കുളിച്ച് ഭക്ഷണം കഴിച്ചോണ്ടിരിക്കുമ്പഴാ കോളിങ് ബല്ലടിച്ചത്. സ്റ്റെല്ല ചെന്ന് വാതിലു തുറന്നു ഹേമ കടന്നുവന്നു. ഒരു പൊതി മേശപ്പുറത്തു വച്ചു.
" ഇത് കുറച്ച് വെളിച്ചെണ്ണപ്പാ . വല്യേച്ചിക്കിഷ്ടല്ലെ "
." അതെ . "
" എങ്ങനീണ്ട് ഇപ്പ നടക്കാറായാ "ഹേമ
ഉവ്വ് നടന്നു തുടങ്ങി. വെഷമം ഒന്നും ഇല്ല. "
" ഹോം നഴ്സ് പോയില്ല അല്ലെ ?" ഹേമ
" കൊറച്ച് ദിവസം കൂടി നിക്കട്ടെ . ചെലപ്പ പറഞ്ഞയക്കുoല്യ "
" അയ്യോ കാശ് കൊറെ വരില്ലെ?" ശബ്ദം കുറച്ച് ഹേമ .
. " ഒറ്റക്ക് താമസിക്കാൻ ഒരു വിഷമം "
" ഞാൻ വന്ന് താമസിക്കാം വല്യേച്ചിക്ക് തുണ. ഞാനവിടെ ഒറ്റക്കല്ലെ " ഹേമ
"നിനക്ക് നിന്റെ മക്കള് വന്നാൽ പോണം അവരുടെ അടുത്തു പോണം. പിന്നെ എവടെങ്കിലും ടൂറൊക്കെ പോണെങ്കിൽ ഞാൻ ഒരു ബാധ്യതയാവും. അതൊന്നും വേണ്ട. "
" കുട്ട്യോളക്ക് ഇബടെ വന്ന് നിന്നാലെന്താ. അവരുടെ അമ്മായിയല്ലെ . അവരടെ അടുത്ത് വല്യേച്ചിക്കും ഒരുമിച്ചു പോവാം. ടൂറു പോക്കൊക്കെ ഞാൻ നിർത്താം " ഹേമ .
"വേണ്ടാ ഹേമേ അതൊക്കെ ബുദ്ധിമുട്ട് . സ്റ്റെല്ല നിൽക്കാംന്നു പറഞ്ഞിട്ടുണ്ട് "
" 23000 ഒക്കെ കൊടക്കണ്ടെ. ഒരാവശ്യാം ല്യാണ്ടെ കളയണോ " ഹേമ
" സ്ഥിരം നിറുത്താണെങ്ങെ അവൾക്ക് അത്ര അധികൊന്നും കൊടുക്കണ്ട. "
" അവള് സ്ഥിരം നിക്ക്യോ? വീട്ടിൽ ക്കൊന്നും പോവണ്ടെ ?" ഹേമ
"അവൾക്ക് ആരുല്യ വീട്ടില് . വല്ലപ്പഴും പകലൊന്നു പോയി അടിച്ചു തുടച്ചു പോന്നാ മതി. അവൾക്ക് ങ്ങനെ അലഞ്ഞ് നടക്കണ പണിമടുത്തു. പലതരം ആൾക്കാരല്ലെ . മല്ലികന്നെ അവൾക്കിരിക്കാൻ എടകൊടുത്തേർന്നില്ല . അതു പോലെ സ്വൈരം കൊടുക്കാത്തോരൂണ്ട്. "
" അത് ന്ക്ക് തോന്നീണ്ട് മല്യേച്ചി എന്തൊക്കെ പണ്യാ ചെയ്യിച്ചേർന്നെ. കൊപ്ര ഒണക്കലും കൂർക്ക നടീക്കലും , ഞാൻ വിചാരിച്ചു ഈ സ്ത്രീ ഇട്ടോണ്ടു പോവുംന്ന് " ഹേമ കിട്ടിയ അവസരം മുതലെടുത്തു.
" അത് തൽക്കാലത്തെ ആണ് ന്ന് അവൾക്കറിയാർന്നു. ഇവടെ വന്നാ അവൾക്ക് സമാധാനം കിട്ടും ന്ന് അറിയാർന്നു."
" വല്യേച്ചിക്ക് അല്ലെങ്കിലും എല്ലാരോടും സ്നേഹല്ലെ "ഹേ മടെ മണിയടി.
"അങ്ങട് സ്നേഹിച്ചാലല്ലെ തിരിച്ചും കിട്ടുള്ളൂ. അത് കിട്ടിക്കോളണം ന്നും ഇല്ല. "
" വല്യേച്ചിക്ക് ഇപ്പ എത്ര വയസ്സായി. " ഹേമ
"75 കഴിഞ്ഞു. പോണ്ട കാലൊക്കെ ആയി "
" അങ്ങിനെ ഒന്നും ല്യ . അമ്മ 85 വയസ്സു കഴിഞ്ഞല്ലെ പോയെ "ഹേ മ
" അമ്മക്ക് അരുതാത്ത കാലത്ത് നോക്കാൻ ഞാനൊരു മോളുണ്ടായിരുന്നു. ഞാനാരേം പെറ്റില്ലല്ലോ?"
" വല്യേച്ചി അങ്ങന്യൊന്നുo വെഷമിക്കണ്ട ഞാൻ നോക്കും വല്യേ ച്യെ "ഹേമ
" എന്നെക്കാളും നിങ്ങൾക്ക് നോക്കാൻ ഉത്തരവാദപ്പെട്ട അമ്മ ഇവടെ രണ്ടു കൊല്ലം കെടന്നു ഒരു നേരം സഹായത്തിന് നിങ്ങളെ ആരേം കണ്ടില്ലല്ലോ "
" അമ്മെ ഞാൻ വിളിച്ചതാണല്ലോ അങ്ങട് വന്നോളാൻ വരാണ്ടെ അല്ലെ. " ഹേമ
" ഞാൻ റിട്ടയറു ചെയ്തു വിളിച്ചപ്പ പിറ്റേ ദിവസം പോന്നൂലോ "
" അല്ലെങ്കിലും അമ്മക്ക് അമ്മടെ പെങ്കുട്ട്യോളെ ഇഷ്ടം ണ്ടാർന്നുള്ളൂ "
" മരിച്ചു പോയോരെ അപരാധം പറയണ്ട ഹേമാ "
" ഞാൻ ചോദിക്കണേന് വിഷമം തോന്നല്ലെ വല്യേച്ചി ഈ സ്ഥലോം ഡെപ്പോസിറ്റും ഒക്കെ ആർക്കെങ്കിലും എഴുതി വച്ചോ ? മനുഷ്യന്റെ അവസ്ഥയല്ലെ . " ഹേമ
" ഇതുവരെ ഒന്നും ചെയ്തില്ല. ഇനി ആലോചിക്കണം "
: " വല്യേച്ചിടേം അമ്മടേം ഓഹരി മല്യേച്ചിക്കല്ലെ കൊടുത്തെ. ഗീതേച്ചിക്ക് ആരടേം ആവശ്യംല്യ ഇഷ്ടം പോലേണ്ട്. ഞങ്ങക്ക് ആ 5 സെന്റും പെരേം തന്നെ ഉള്ളൂ. മക്കളാണെങ്കെ അവരും ഒരു നെലേലെത്തീല്ല. "ഹേമ
ആലോചിച്ചിടത്തു തന്നെ എത്തി.
" അമ്മേടെ മക്കളില് ഏറ്റവും മിടുക്കൻ വിനോദനായിരുന്നു. അധികം ശമ്പളം വാങ്ങിയിരുന്നതും. അവന്റെ അഞ്ചു പൈസ വീട്ടിൽ ആരും അനുഭവിച്ചിട്ടില്ല..അവന് വീടു വയ്ക്കാൻ സ്ഥലം ആവട്ടെന്ന് വച്ച് ട്ടാ ഞാനും ഗീതേം ഓഹരി വാങ്ങാതെ 12 സെന്റ് അവന് തിരിച്ചത്. അത് പെട്ടാ പെട്ട വിലക്ക് വിൽപ്പിച്ച് കൊണ്ടോവാൻ നീ സാമർത്ഥ്യം കാണിച്ചില്ലെ. നിങ്ങടെ മക്കള് പഠിച്ച് നേരാവാത്തത് , നിങ്ങടെ യോഗം. ഞാൻ എന്നെക്കൊണ്ടാവണത് നിന്റെ മക്കൾക്കും മല്ലികടെ മക്കൾക്കും തന്നിട്ടുണ്ട്. ഗീതടെ മക്കൾക്ക് മാത്രേ ഒന്നും കൊടുക്കാണ്ടുള്ളൂ. "
" അപ്പ ഗീതേച്ചിടെ മക്കൾക്ക് കൊടുക്കാമ്പോവാ " ഹേമ
, " ആർക്കും കൊടുക്കണില്ല. ഏതെങ്കിലും ചാരിറ്റിക്ക് എഴുതി വയ്ക്കും "
" ഇത്രേം സ്വന്തക്കാര് ഉള്ളപ്പഴ് ദാനം കൊടുക്കണത് കഷ്ടല്ലെ "
" ഞാനൊന്നു കിടന്നാൽ ഈ സ്വന്തക്കാരാരും ഒരു നേരം നോക്കില്ല. ഹോം നഴ്സ് വേണ്ടേരും "
" ഹോം നഴ്സുമാര് കാശ് തട്ടീട് ക്കാൻ വേണ്ടി കൊല്ലാനും മടിക്കില്ല " ഹേമ
" അങ്ങനള്ള കുറ്റകൃത്യം മക്കളും മരുമക്കളും കൊച്ചുമക്കളും ഒക്കെ ചെയ്യണു. മക്കള് തന്നെ അച്ഛനേം അമ്മേം നോക്കാത്ത കാലം. എനിക്ക് പെൻഷനും വീടും ഉള്ളതോണ്ട് നിങ്ങള് വരണു. ഇതൊന്നും ഇല്ലങ്ങെ തിരിഞ്ഞു നോക്കില്ല. "
" നമ്മളാരാപറയാൻ . വല്യേച്ചി വല്യേച്ചിടെ ഇഷ്ടം പോലെ ചെയ്യ് . എനിക്കും പഠിപ്പൊക്കെ ഉണ്ടാർന്നതാ വല്യേച്ചിടെ അനിയൻ ജോലിക്ക് വിടാഞ്ഞിട്ടല്ലെ " ഹേമ കണ്ണു തുടച്ചു .
"ആരോടാ ഹേമേ ഈ നട്ടാൽ കുരുക്കാത്ത നുണ പറയണെ. മാനേജ്മെന്റ് ക്വോട്ടേല് പ്രീ ഡിഗ്രിക്ക് ചേർന്ന് ഒരു വിഷയോം ജയിക്കാത്ത നിനക്ക് എന്ത് ജോലി കിട്ടാനാ. വീട്ടിലെ പണി ചെയ്യാനും രണ്ടു കുട്ട്യോളെ വളർത്താനും വേലക്കാരെ ആശ്രയിച്ചിരുന്ന നീയല്ലേ പുറത്തു പോയിജോലി എടുക്കണത്. "
" വല്യേച്ചിക്ക് നന്നായി വാദിക്കാനറിയാം " ഹേമ
. "മനുഷ്യരെ മനസ്സിലാക്കാനും അറിയാം "
സ്റ്റെല്ല രണ്ടു ഗ്ലാസു നിറച്ച് ജ്യൂസു കൊണ്ടുവന്നു വച്ചു.
ഹേമകനത്തിലൊന്നു നോക്കി.
" ഊണു കഴിഞ്ഞല്ലേ പോണുള്ളൂ " സ്റ്റെല്ല ഹേമയോട് .
"അല്ല ഇപ്പഴ് തന്നെ പോവും" ഹേമ
" ജെസ്സി സാറ് ഉണ്ണാൻ ണ്ടാവോ അമ്മേ" സ്റ്റെല്ല
" ജെസ്സി മാത്രല്ല മരുമകളുo ഉണ്ടാവും "
" ഞാൻ അരിയിടണ്ട കണക്കു കിട്ടാനാ " സ്റ്റെല്ല
" ഞാൻ പോട്ടെ വല്യേച്ചി .പിന്നെ വരാം " ഹേമ മുഖം കനപ്പിച്ചു കൊണ്ടിറങ്ങി.