Скачать или смотреть ԱՆՇԵՋ ՀՈՒՐ ԵՍ – Էմիլյա Սիմոնյան(Աշուղ Աշոտ)։ Առաջին կատարում։ Մշակումը՝ Արտեմ Խաչատուրի։

Երգն առաջին անգամ հնչել է 2025թ․ հոկտեմբերի 18-ին Հայաստանի Հանրային հեռուստաընկերության 1-ին ալիքով հեռարձակված «ԵՐԳ ԵՐԳՈՑԻ» հատուկ թողարկմանը, որտեղ մեկ երեկոյի ընթացքում հնչեցին Աշուղ Աշոտի 12 նոր երգեր թառահար, կոմպոզիտոր՝ ԱՐՏԵՄ ԽԱՉԱՏՈՒՐԻ մշակմամբ և գործիքավորմամբ։

Անշեջ հուր ես

Ձեր լուսաշող այգին եկա սիրով լի,
Սփռոց բացիր հուր հնձանում գինով լի,
Նուրբ նազանքով թասը լցրիր հուր գինով,
Դեռ չխմած, ես արբեցի քո սիրով։
Ու՞ր ես, ու՞ր ես։
Ա՜խ, քեզ տեսա ծաղկից հյուսած շորի մեջ,
Սիրտս թնդաց ձեր այգեստան ձորի մեջ,
Քեզ երգեցի, քեզ գովեցի երգիս մեջ,
Մոլորվեցի, գինու թասը ձեռքիս մեջ։
Ու՞ր ես, ու՞ր ես,
Անշեջ հուր ես։
Ինձ թվաց թե արքայության մեջ ընկա,
Ձեր նապատի էն մեծ խաչքարը վկա,
Միտքս միշտ էլ թռչում է ձեր շեն այգին,
Ու կանչում քեզ, բայց ձայն չկա, ո՛վ անգին։
Ու՞ր ես, ու՞ր ես։
Քո Աշոտն եմ, հարբած տեսքիդ հմայքով,
Ապրում եմ նազլու յարիս շվաքով,
Երազանքս ձեր հնձանում, ձեր այգում,
Սիրող սրտին է՞լ ինչ հանգիստ, է՞լ ինչ քուն,
Ու՞ր ես, ու՞ր ես։
Ա՜խ, քեզ տեսա ծաղկից հյուսած շորի մեջ,
Սիրտս թնդաց ձեր այգեշատ ձորի մեջ,
Քեզ երգեցի, քեզ գովեցի երգիս մեջ,
Մոլորվեցի, գինու թասը ձեռքիս մեջ։
Ու՞ր ես, ու՞ր ես,
Անշեջ հուր ես։
#առաջինալիք #երգերգոց #ԱշուղԱշոտ