శ్రావణమాసం రెండవ శుక్రవారం (16-08-2024)

శ్రీ కల్కి వేంకటేశ్వర స్వామి వారి దేవస్థానం, ఉపమాక

అనకాపల్లి జిల్లా నక్కపల్లి మండలం ఉపమాక గ్రామం లో గరుడాద్రి పర్వతంపై స్వయం వ్యక్తంగా వేంచేసియున్న శ్రీ కల్కి వేంకటేశ్వర స్వామివారి ఆలయంలో శ్రావణమాసం వరలక్ష్మీ వ్రతం మరియు రెండవ శుక్రవారం సందర్భంగా గోదాదేవి అమ్మవారి మూలవిరాట్ కు మరియు గోదాదేవి అమ్మవారి ఉత్సవ మూర్తులకు ఈరోజు ఉదయం నూతన వస్త్ర అలంకరణలు చెయ్యడం జరిగింది.

సాయంత్రం గోదాదేవి అమ్మవారి ఉత్సవ మూర్తులను రాజాధిరాజ వాహనంపై అధిష్ఠింప చేసి గ్రామ తిరువీధి సేవ నిర్వహించడం జరిగింది.

అనంతరం గోదాదేవి అమ్మవారి మూలవిరాట్ సన్నిధి వద్ద లక్ష్మీ సహస్రనామ, అష్టోత్తర శతనామ కుంకుమార్చనలు నిర్వహించడం జరిగింది.

అనంతరం విశేష ప్రసాద నివేదనలు తీర్థగోష్ఠి, ప్రసాద వినియోగం నిర్వహించడం జరిగింది.