Khawlthei hilo - BYF Tangnuam

KHAWL THEIH HILOU
T. Pumkhothang
Key-Gb

Haksatna mun a pangngam in Toupa na i sem ding,
In leh lou paisan akul Toupa nasem di’n zaw;
Gimna ah zong lung kelou thuakna mun a tai lou,
I khros mah i puak a kul ahi.

Khawl theih hilou Toupa gam a di’n,
A nuamlou a haksa bang teng ah zong;
Thuakna leh supna lou in, Toupa Na kisem theilou,
I Toupa a di’n isem ding uh.

Toupan ei a dia a thuaknat dante lung a gel in,
A nasepna tawl ki sa’n lunglel in om kei ni;
Koi mun ah hizong Aman hon deihna mun peuh ah,
Amah di’n i sem kei ding ua hiam?

Toupa gam nasem lou namte mangthang ding ahi uh,
A nasemlou nam ihih in zaw i mangthang ding;
A gam a di’n kipe le’ng ei di’n i damna hi,
A nasem minam ihi ding uh.