អាថ៌កំបាំងនៃព្រលានជល់ដំរី

លានជល់ដំរីមានទីតាំងនៅក្រុងអង្គរធំ ខាងជើងប្រាសាទបាយ័ន្តនិងបាពួន ហើយទល់មុខប្រាសាទសួព្រ័ត្រ ជាវេទិកាដែលសង់អំពីឈើនៅសតវត្សទី១០ តែត្រូវបានសង់បន្ថែមពីថ្មក្នុងរជ្ជកាលព្រះបាទជ័យវរ្ម័នទី៧។ ទីលានជល់ដំរីមានប្រវែង៣៥០ម៉ែត្រខាងមុខបរមរាជវាំង ហើយក៏ជាវេទិកាសម្រាប់ព្រះរាជា ព្រាហ្មណ៍ មន្ត្រីដែលមានឋានៈខ្ពស់ អង្គុយនិងទតមើលល្បែង របាំង និងពិធីផ្សេងៗ។ លើវាលស្មៅមុខវេទិកាមានការរៀបចំផ្សាំដំរីព្រៃអោយក្លាយជាដំរីស្រុក ដើម្បីយកមកប្រើប្រាស់ក្នុងការដឹកជញ្ជូន ការធ្វើសង្គ្រាមតយុទ្ទ បង្វឹកដំរីអោយចេះលេងសៀកនិងល្បែងផ្សេងៗ។ល។ ក្នុងមួយឆ្នាំម្តងមានការរៀបចំបុណ្យដំរីដើម្បីសុំខមាទោសដល់សត្វដ៏វៃឆ្លាតនេះ ដែលបានជួយមនុស្សលើគ្រប់វិស័យនៅក្នុងសម័យអង្គរ បុណ្យដំរីមានទាំងការរៀបចំតុបតែងក្រឿងលំអលើសត្វដំរី ដើរព្យុះហយាត្រា និងសម្តែងនូវភាពវ័យឆ្លាតរបស់ដំរីដូចជា ការលេងសៀក និងល្បែងផ្សេងៗទៀតជាច្រើនដើម្បីថ្វាយព្រះរាជាយាងទត ចុងបញ្ចប់សត្វដំរីទាំងអស់ត្រូវបានដាក់ចំណីអោយឆី បើប្រៀបធៀបនឹងសម័យបច្ចុប្បន្នគឺប្រៀបដូចជាអាហារបូហ្វេរ។បច្ចុប្បន្ននេះនៅខេត្តសុរិនដែលគ្រប់គ្រងដោយប្រទេសថៃនៅតែរៀបចំពិធីបុណ្យដំរីមួយឆ្នាំម្តងដែលជាវប្បធ៌មអង្គរក្នុងការគោរពសត្វដំរី។ ហេតុដូច្នេះហើយបានជាយើងមានឃើញចម្លាក់សត្វដំរីនៅលើជញ្ជាំងនោះគឺតំណាងអោយការជិះដំរីទៅប្រម៉ាញ់ សត្វក្នុងព្រៃ ហើយក៏ដូចជាការទៅចាប់មនុស្សព្រៃយកមកធ្វើទាសករនៅក្រុងអង្គរ។បើយើងឃើញដំរីក្បាលបីកាន់ផ្កាឈូកតំណាងអោយឋានសួ៌គ ដោយសារលានជល់ដំរីសង់ជានិមិត្តរូបប្រមូលនូវកម្លាំងធាតុក្នុងចក្រវាឡទាំងមូលអោយមកសណ្ថិតរួមគ្នា ដូច្នេះហើយ ក្រៅពីចម្លាក់ដំរីក្បាលបី យើងក៏ឃើញមានរូបចម្លាក់សត្វគ្រុឌ សត្វនាគរាជ សត្វតោ ហង្ស យក្សអាសុរៈទ្រលើកដៃឡើងលើជានិមិត្តរូបនៃការការពារភ្នំព្រះសុមេរុដែលជាវេទិការបស់ព្រះរាជានុះអែង។ នៅស្លាបខាងជើងបំផុតក្បែរទីលានស្តេចគម្លង់ ឃើញរូបចម្លាក់គួរឱ្យចាប់អារម្មណ៍ដូចជា ចម្លាក់ដំរីក្បាលបីកាន់ផ្កាឈូក ចម្លាក់ក្បាលកាឡាលេបត្របាក់នាគរាជ ចម្លាក់អប្សរារាំហែរហម ចម្លាក់សេះក្បាល៥ជាដើម ទីនេះជាវេទិកាសម្រាប់ក្រុមអ្នកសម្តែងពិធីផ្សេង ធ្វើពិធីថ្វាយបង្គំគ្រូសុំពរជ័យព្រលឹងនៃចក្រវាឡអោយប្រទានពរដល់ពួកគាត់ ដើម្បីសម្តែងអោយបានល្អពោរពេញដោយភាពទាក់ទាញ។ ចំណែកខាងលើមានផ្កាឈូក គឺជាកន្លែងដុតគោមភ្លើងតំណាងការតភ្ជាប់រវាងភពមនុស្សនិងភពទេវតា


Describing about the place to visit and understand about symbolism, cultural, traditional, educational believe of art, sculpture and statue.
Sharing knowledge to everyone by telling stories such as the Symbol of Khmer History, Culture, Arts, Statueries, Angkor Temples, Cambodian Custom, Tradition and Daily Life and so on.......

ឆាណែលយូធូប "មគ្គុទ្ទេសក៍អង្គរ" យើងខ្ញុំ ពុំមានចំណូលអ្វីទេ តែយើងខ្ញុំបានចំណាយច្រើន ពេលចេញទៅថត និងកាត់ត ម្តងៗ។ដូច្នេះយើងខ្ញុំសូមអធ្យាស្រ័យ🙏ដល់បងប្អូន ដែលចូលចិត្តតាមដាននិងគាំទ្រឆាណែលយើងខ្ញុំ ដែលនិយាយអំពីប្រាង្គប្រាសាទអង្គរ សូមមេត្តាជួយឧបត្ថម្ភ ដល់យើងខ្ញុំទោះតិចតួចក្តី ដើម្បីអោយយើងខ្ញុំ មានលទ្ធភាពរួមចំណែកផ្សព្វផ្សាយវប្បធម៌ខ្មែរយើងបន្តទៀត។ នេះជាលេខកុងABA:(SOEUN THY: 001129666) សូមអរគុណ,
Our Youtube Channel "Your Angkor Guide" so far has not earned anything. On contrary we had spent in making videos and editions. From this point of view we would like to ask all of you who are supporting our channel please help us for making our channel is able to continue its process of the thems of Glory of Angkor's history. Here is our ABA Bank account (SOEUN THY: 001129666) Thank you for your kind helps.

#សូមចុច_subscribe_ដើម្បីទទួលបាននូវវីដេអូថ្មីទៀត_មគ្គុទ្ទេសក៍អង្គរ_Your_Angkor_Guide