Sri padaya - ගෞතම ශ්‍රී පාදස්ථානය 🙏

මෙන්න මෙහෙමයි කතාව...❤️
මාසෙකට විතර කලින් රසික නැන්දගෙන් කෝල් එකක්.. පුතේ සිරිපාදේ යනවා ඔයාලත් ලෑස්ති වෙන්න...

හරි නැන්දේ...👍

දින එකිනෙක ළං වුණා. මේ ගමනට මමයි වයිෆුයි සහභාගි වුණා. මේ පාර කරුණාකරන්නෙත් හැටන් පාරෙන්. මේක මගේ හයවෙනි සිරිපා කරුණාව. ඒකෙන් දෙවතාවක් අවාරේ සිරිපා කරුණාව. 💛

ගමනට අවශ්‍ය උපකරණ සියල්ලක් අපි ලෑස්ති කර ගත්තා. බෙහෙත් හේත් , සීතලට අඳින ඇඳුම්, සැහැල්ලු ආහාර , ශක්ති ජනක වර්ග 💚.

හරියටම අපි උදේ 11 වෙද්දි රසික නැන්දලාගේ ගෙදරට ගියා. නඩේ ඔක්කොම පනස් හතරක් විතර ගියා. මුලින්ම සියල්ලම ගියේ නවගමු පත්තිනි දේවාලයට. පහන් හඳුන්කූරු පත්තු කරලා , චෛත්‍යය බෝධිය විහාර ගේ වන්දනාමාන කරලා නඩේගුරා විසින්ම සකසන ලද පූජාවට්ටියට පඬුරුත් තියලා පත්තිනි මෑණියන්ගෙන් ගමනට ආශිර්වාද, සෙත් ශාන්ති , ලබා ගත්තා.
🍂🍂🍂🍂
අපි නවගමුවෙන් පිටත් වෙද්දී දවල් එකට විතර වෙලා තිබුණා. අවිස්සාවේල්ලෙන් කරවනැල්ලෙන් හරවලා කිතුල්ගල හරියෙන් එමින් ගමන් නාන්න තැනකුත් බැලුවා. කිතුල්ගල ටිකක් පහුවෙද්දි පාලමක් තියෙනවා , පාර අයිනෙම පන්සල එතන නාන්න නියම තැනක්. ඒතනත් බලාගෙනම අපි ගමන ගියා ඒ වෙද්දිත් හරියටම වෙලාව හවස තුනයි. එන ගමන් සිංදු කිය කිය තමයි ආවේ.

ඊට පස්සේ ගිනිගත්හේන ටවුන් එක, අපි ආවේ අවිස්සාවේල්ල සිට හැටන් පාරේ ඒ පාරේ ඇවිත් නෝටන් බ්‍රිජ් යන්න දකුණු පැත්තට හැරෙව්වා. හරවන්නැතුව කෙලින්ම ගියොත් හැටන් හරහා නුවර එළියට යන්න පුළුවන්.
🍁🍁🍁
නෝටන් බ්‍රිජ් හරහා මාඋස්සාකැලේ හන්දියට ආවා එතනින් දකුණට ඒ පාර කෙලින්ම නල්ලතන්නියට කිලෝමීටර් නමයක් තියෙනවා. අපි ආපු පාරේ සප්ත කන්‍යා කඳුවැටිය හා ලක්‍ෂපාන දිය ඇල්ල බලා ගැනීමට හැකියාව ලැබෙනවා.

නල්ලතන්නියට එද්දි වෙලාව 6.20යි .එන පාරේ අපිව හතර වතාවක් පොලිසියෙන් චෙක් කරා.
ගෙනාපු බත් ටිකත් එතනම කාලා පහල තියෙන සීත ගඟුලෙන් නාකියාගෙන සුදු ඇඳුමුත් ඇඳ ගත්තා. අපි සිරීපාද කරුණාකරන්න ගද්දි හරියටම රෑ අටයි වෙලාව.
☘️☘️☘️
ඒ වෙද්දිත් විශාල බස් රථ ප්‍රමාණයක් රථ ගාලට එමින් තිබුණා. ගෞතම ශ්‍රී පාදස්ථානය කියල තියන බෝඩ් එක ගාවට යද්දී වෙලාව 8.15 රෑ. මුලින්ම අපිට හම්බුනා රන් කහට තේ එකක්. ඒකත් බීලා උඩ පැත්තට ආවා. ඊට පස්සේ කල්ප වෘක්ෂ විහාරය .

කඩ පේළියත් පහු කරගෙන ඉස්සරහට තමයි ගමන. ඊට පස්සේ හම්බවුණා සමහන් සහන කලාපය. ඒකෙන් සමහන් එකකුත් බිව්වා. ඊට පස්සේ සීත ගඟුල සමන් දේවාලය පහු කරා.
🦚🦚🦚
කෙමෙන් කෙමෙන් අපි මකර තොරණ ළඟට ආවා. විදුලිය ලබා ගැනීම පිළිබඳව බාරයක් ඔප්පු කිරීමක් තමයි ඔය මකර තොරණ සෑදීමට මූලික කාරණය වෙලා තිබුණේ. රෑ නමයයි පහයි එතකොට වෙලාව ඔතනට එද්දි. මෙතනින් තමයි ශ්‍රී පාද වන්දනාව ආරම්භ වෙන්නේ. එන පාරේ දකුණු පැත්තෙන් ඇලිගොඩ කඳු සහ ඇලිගොඩ දිය ඇලි ටික බලා ගැනීමට හැකියාව ලැබෙනවා. බොහෝමයක් මේවා සක්‍රීය වෙන්නේ අවාර කාලෙට. රත්නපුරේ පැත්තෙන් මකර තොරණ හම්බ වෙන්නේ ගල් වංගෙඩියට උඩින්.
☘️☘️
මකරණ තොරණට පස්සේ අපිට හමුවුණේ රතු පාලම. ඒකත් ටිකක් පහු කරගෙන එද්දි
ලා ඕජී සහ වටවල තේ දන්සලක් තිබුනා. එයාලටත් ගොඩක් පින්. ඊට පස්සේ අපිට හමුවුණේ ජපන් සාම චෛත්‍යය. එතනට පේන කන්ද තමයි යකා ඇඬූ ගල සහ යකා ඇඬු ඇල්ල. ඊටත් පස්සේ නිශ්ශංකලෙන. ඊට පස්සේ අපිට හම්බුනේ ගඟුල තැන්න අම්බලම.
🍂🍂
ටික දුරක් එද්දී ආයිමත් අපිට හම්බුනා සිද්ධාලේප සහන කලාපය. එතන ගඟුලතැන්න පොලිසියේ කාර්යාලයක් තිබුණා. එතනින් සිද්ධාලයකට එකකුත් ගාගෙන අපි ආවේ සීත ගඟුල අම්බලම ගාවට.

ඔතන තමයි මුල්ම වතාවට සිරිපාද වන්දනාමාන කරන කිරිකෝඩු සහ දඬුකෝඩු නාකියා ගෙන පිරිසිදු වෙලා පඬුරු එහෙම ගැට ගහලා , දෙහි ටිකක් එහෙම ඔලුවේ ගාගෙන උඩහට කරුණාකරන තැන. පහලින් වුණත් ඒ දේවල් කරගෙනම එන්න පුළුවන්. ඔතනට එද්දී අපි හරියටම වෙලාව රෑ එකොළහයි.

තව පොඩ්ඩක් ඉස්සරහට එද්දි වම්අත පැත්තේ තියෙනවා සුවපහසු වැසිකිලි පද්ධතියක්.☘️☘️

ඊට පස්සේ අපිට හමුවන්නේ රතු අම්බලම. ඊට පස්සේ ගොළුතැන්න , ඊට පස්සේ ඉඳිකටුපාන. මෙතනත් චාරිත්‍රයක් විදියට කෝඩු පැකට් එකේ තියෙන නූල්පන්දුව ඉදිකට්ට අමුනලා උඩහට ඇදගෙන යනවා. ඒක ගෙත්තමක් නිසා ගෙත්තම් පාන කියලත් කියනවා. හිඳිකටුපාන ඉවර වුණා විතරයි එතනින් එහාට හැටන් පාරේ සෙනඟ . 🍁🍁

ඒ පාරේ ඊළඟට හමුවන්නේ මහගිරි දඹ, අහස් ගව්ව, ඇහැල කණුව , භගවාලෙන , උඩමළුවයි.

ඉඳිකටුපාන පොලිස් මුරපොල ගාවින් දකුණට දාලා අපි ගියා බයිපාස් පාරේ. ඒක රත්නපුර පාරට එකතු වෙනවා. ඒ පාරේ සෙනඟ ඇත්තෙම නෑ. ආඩිමලතැන්නට ටිකක් උඩින් තමයි එපාර වැටෙන්නේ. ඒ පාරේ ඇහැල කණුව ළඟ කඩෙන් තේ එකකුත් බිව්වා . හුලං කපොල්ල සහ මහගිරි දඹ පහු කරා. උඩමළුව කියන බෝඩ් එක පේද්දි වෙලාව පාන්දර හතරයි පහයි. 💛💛💛

එතනත් පෝලිම, රත්නපුර පැත්තයි හැටන් පැත්තයි දෙකම එකට එක්කාසු වෙලා උඩමළුවේ තියෙන ශ්‍රීපාදස්ථානය වෙත බැතිමතුන් ගිහිල්ලා නළල තියලා වන්දනාමාන කරලා එනවා. මම වන්දනා කරද්දි 4.45යි වෙලාව. ආපු වාර ගණනට අනුව ගාන්ඨාරයත් නාද කරනවා. මගේ හයවෙනි කරුණාව.
🍂🍂
එතැනින්ම පහළට ගියාම දොළොස්මහේ පහන තියෙනවා. කොළඹ පැත්තෙ ලයිට් එහෙම හරි අපූරුවට පේනවා. ඒ හරියෙම වැසිකිලි කිහිපයකුත් තියෙනවා. එතනම තියෙන විශ්‍රාමශාලාවේ ගොඩාක් කට්ටිය නිදාගෙන හිටිය. යන්නවත් ඉඩක් නෑ. අපි තීරණය කළා ඉර සේවයත් බලන්න. හයයි විස්සට වගේ එදා ඉර සේවය බලා ගැනීමට හැකියාව ලැබුණා. ඊට පස්සේ පූජාව තියන්න උඩමළුවා වහනවා.

හැටන් පාරෙන් අපි බහින්න ගද්දි වෙලාව 6.35 යි උදේ. ඉඳිකටු පාන කිට්ටු කරනවාත් එක්කම තමයි පෝලිමය ඉවර වුණේ උඩමළුවට යන්න ඉන්න අයගේ. පහළට කරුණාකරන්න පහසු වුණත් ඉර සේවයයි පූජාවයි තියෙන වෙලාවට පහල ඉන්න අයට ඉහළට කරුණා කරන්න නම් අමාරුයි. 💚💚💚💛💛

අපිත් එක්ක ඉහළට කරුණා කරපු අයත් ඒ පෝලිමේම හිටියා. අපේ ගමන ඉක්මන් උනේ රත්නපුර පාරෙන් නැග්ග නිසා.

මහගිරි දඹ බැහැගෙන එද්දී හම්බවෙනවා mobitel board එකක් එතනින් තියෙනවා දකුණට අතුරු මාර්ගයක් ඒ මාර්ගය තමයි සඳගලතැන්න හරහා සිරිපාද කරුණාකරන මාර්ගය. 🍁🍁💚
කෙමෙන් කෙමෙන් අපි හැටන් පාරෙන් ආපිට කරුණා කරා 🙏
අවාරේ සිරිපා කරුණාව 👇
   • Sri padaya - Off season 🙏 කුරුවිට එරත...  
   • SRI PADAYA -❤️රජ මාවතෙන් අවාරයේ ආපිට ...