Yoshlar kuni munosabati bilan oʻquv yili yakunlariga bagʻishlangan tantanali tadbir oʻtkazildi

Yoshlar kuni munosabati bilan oʻquv yili yakunlariga bagʻishlangan tantanali tadbir oʻtkazildi

Andijon mashinasozlik institutida 2023/2024-oʻquv yili yakunlari hamda 30-iyun — Yoshlar kuni hamda munosabati bilan “Yangi Oʻzbekiston yoshlari, birlashaylik!” shiori ostidagi madaniy-maʼrifiy tadbir oʻtkazildi.

Unda institut va fakultetlar koordinatorlari, turli tanlovlar, fan olimpiadalari, sport musobaqalari gʻoliblari hamda faol talaba-yoshlar ishtirok etdi.

Tadbirda institut rektori, texnika fanlari doktori Umid Turdialiyev soʻzga chiqib, mamlakatimizda yoshlar siyosatida amalga oshirilayotgan islohotlar, talabalarning bilim va koʻnikmalarini rivojlantirish, zamonaviy taʼlim, innovatsiyalar, tadbirkorlik, kelajak rejalarni roʻyobga chiqarish uchun yaratilayotgan imkoniyatlar haqida soʻz yuritdi. Yoshlarga bundan toʻgʻri xulosa chiqarib, faol boʻlishga, yangi gʻoyalar va tashabbuslarni amalga oshirishga chaqirdi.

Shundan soʻng, joriy yilda ilk marotaba tashkil etilgan “Andijon mashinasozlik instituti “Oltin liga”si doirasida oʻtkazilgan sportning minifutbol turi boʻyicha musobaqalar hamda “Zakovat quiz” turniri, “Zukko kitobxon”, “Munozara”, “Milliy doʻppi” chellenji, “Zakovat” ittifoq billur kubogi tanlovlari hamda kibersport musobaqalari gʻoliblari diplom va esdalik sovgʻalari bilan taqdirlandi.

Bundan tashqari “Talaba” sport klubi tomonidan oʻtkazilgan turli musobaqalar gʻolib va sovrindorlari ham munosib taqdirlandi.

Tadbir davomida Oʻzbekiston davlat filarmoniyasi Andijon viloyat boʻlinmasi sanʼatkorlari tomonidan shoʻx kuy va qoʻshiqlar ijro etildi.#tezkor_xabar #янгиликлар #uzbekistan #тезкор #tezkor #расман #new #yangiliklar#uzbek #uzbekistan #andijon #yangiliklar #andijan #dollar #daryo #kunuz #qalampiruz #human #tashkent #tashkentcity #andijonmashinabozori #and #institute #university #talaba #student #mashinasozlik #mashina_narxlari #elektronik #iqtisodiyot #super #tezkor #intervyu #islam #shorts_video #xabarlar #xabarlaruz #namangan #fargona #fergana #vodiyuz #professor