Скачать или смотреть Buddha Gyan!! ओम आः हूँ वज्र गुरु पद्म सिद्धि हूँ को अर्थ

This channel provides information about Buddhism, buddha's teachings, and the biography of enlightened yogis.

ओम आः हूँ वज्र गुरु पद्म सिद्धि हूँ

वज्र गुरु मन्त्रको संक्षिप्त अर्थ
गुरु पद्मसम्भवको मन्त्र ‘‘ओम आः हूँ वज्र गुरु पद्म सिद्धि हूँ’’ १२ अक्षर रहेका छन् मन्त्रको संक्षिप्त भावार्थ यस प्रकार रहेको छ – हे ! गुरु पद्मसम्भव मलाई तपाईको काय, वाक् र चित्त सम्बन्धी सबै प्रकारका सिद्धिहरू प्रदान गरी दिनुहोस् ।
‘ ओम आः हूँ’’ तीन अक्षरले काय, वाक्, र चित्त ‘‘वज्र गुरु पद्म’’ ले गुरु पद्मसम्भव ‘‘सिद्धि ’’ ले अभीष्ट वरदान सामान्य र विशिष्ट गुणहरू र ‘‘हूँ’’ ले मलाई पनि तपाई जस्तै गुणी र शक्तिशाली बनाउनु होस् भन्ने बुझिन्छ ।
‘ओम आः हूँ’ मन्त्रले गुरु (लामा), इष्टदेव (यिद्म) र डाकिनी (खान्डो) ‘वज्र’ ले परिशुद्ध आदर्श ज्ञान, ‘पद्म’ ले फूल सदृश प्रत्यात्म वेद्य ज्ञान, ‘सिद्धि’ ले विभिन्न कर्म सिद्धि ज्ञान, ‘हूँ’ ले सबै प्रकारका मार्ग फल प्राप्त हुन्छ भन्ने बुझिन्छ । उक्त वज्र गुरु मन्त्र जप गर्दा सबै प्रकारका फलहरू प्राप्त हुन्छ भन्ने विश्वस रहेको छ ।
‘ओम आः हूँ’ काय वाक र चितको उत्तम सार हो । ‘वज्र’ वज्रकुलको उत्तम सार हो । ‘गुरु’ रत्नकुलको उत्तम सार हो । ‘पद्म’ पद्म कुलको उत्तम सार हो । ‘सिद्धि’ कर्म कुलको उत्तम सार हो र ‘हूँ’ तथागत् बुद्ध कुलका उत्तम सार हो ।
यस प्रकार आचार्य पद्मसम्भवको बाह्र अक्षर मन्त्रको कयौँ यस्ता व्याख्या रहेका छन् । यो ‘‘ॐ आः हूँ वज्र गुरु पद्म सिद्धि हूँ’’ मन्त्र भारत, नेपाल, भुटान देशका हिमाली क्षेत्रका साथै चीन जापान, मंगोलिया तथा पश्चिमी मूलका महायानी बौद्ध अनुयायीहरूले जप्ने गर्दछन् ।