دخلت سوق الذهب عصرية الأثنين - بشير حمد شنان

الكلمات :-

دخلت سوق الذهب عصرية الأثنين
لاعادها الله دخلتن نكدت حالي

علمي بنفسي يوم وقفت جمب الزين
بغيت أطلع من السوق لاشك ماجالي

نظرني بعيناً كن في وسطها سيفين
وربشني بخدن ياعرب يشعل إشعالي

سبتني نهودن بالصدر مثل طلع التين
وعوداً يميل مع الهوى منين ما مالي

بديت التحيه خايف وقال لي أهلين
عسى لك طلب عندي واقضيه يالغالي

قربت وسألته ويش أسمك وانت منين
تزفر وقال أصبر عسى الجو يصفالي

تصبرت أنا والقلب شبت به النارين
وانا بشهد إن الحب ياناس قتالي

مضى أربع دقايق وبعدها جاء كحيل العين
وقال أنت إلى ذالحين واقف تحرالي

جرى الدمع من عيني وقلت أرحم المسكين
وأعطف علي في الحب ياغاية آمالي

تبسم وقال البيت فاضي وكلش زين
وأهل حارتي مايعرفوا القول والقالي

وصلنا لمنزل ناعم العود مرتاحين
ومن حسن حظي السوق من أهل الحسد خالي

رمى البشت والشيله وبانت لي النهدين
وفي ربع ساعة جاب لي شاهياً حالي

تكرم وعلمني بأسمه وهو حرفين
ترى له سمياً عايشن في الخلا الخالي

توسدت زند اللي عمره اربع وتسع سنين
وشربت كاسن عسل من مبسمه حالي



كلمات : بشير حمد شنان
لحن : فلكلور