الشاعر يوسف الشطي قصيدة أنا آسف

انا ادري انج
رحلتي ما بقى منج
سوى جرح و ضريح اسود
يشابه بالشكل ظنج
وانا ادري انج
رحلتي ما بقى مني
سوى بعض الحجي عنج
انا ادري انج
نسيتي كل شي كان
نسيتي يومنا في لبنان
على الثلج الي ما خذتي
من اطباعه ولا ذره
نسيتي والخطأ اكبر
من إلاهات والحسره
انا ادري انج نسيتي كل شي كان
انا اسف
انا لا زلت اتذكر
انا اذكر كل شي كان
غدانا بمطعم مهنا
وهاتف قبل محنا ننام يجمعنا
وصوتح ضحكتج لونج
ولون الكحل بعيونج
كثير اشياء في غيابج
تجي احيان اذكرها
كثير ابجي وانا اذكرها
انا اسف
انا لازلت أوطنها
ما بين الشعر والشريان والوجدان
انا اسف
انا لا زلت اتذكر
انا اذكر كل شي كان
رحلتي والعزا دمعة
تداعب وجنة الحرمان
ويكبر هالقصيد انسان
وتنبت في العيون ظنون
و يصبح للحنين اوطان
واحبج حيل واحبج حيل

واحس اكثر ياليت اكثر
احب أكثر
و يثمر للجنون فنون
امانة لو نسيتيني
تعالي لو دقايق طيف وضميني
عسى والموت ما ينسى
قبل لا اموت يمديني
أقول لكل نجمة حب
تسائل دمعة عيوني عن غيابج
بانج غبتي عن عيني
أمانة والشعر تاريخ
وحبج بعض تاريخي
وعشقي لو فرشته يم
اذا صدفة تواجهنا
أسلم والا ما أسلم
على أية حال
بقى لج صورتين بدرجي الأول
ورقم في دليل الهاتف النقال
ووردة كلها يومين
يشح وصالح وتذبل
انا اسف
انا لازلت اتذكر انا اذكر كل شي كان
،،،
يوسف الشطي