Esmira Mehiqızı - Biz onda xoşbəxt idik - Kamran M. YuniS

#kamranmyunis #kamranyunis #esmiramehiqızı #poeziyateatrı
#şeirlər #şiirler #sevgişeirləri #poeziya #vətənşeirləri

Esmira Mehiqızı - Biz onda xoşbəxt idik
Bəstəkar - Emin Sabitoğlu - Əlvida

biz onda xoşbəxt idik...
elə xoşbəxt idik ki,
xoşbəxt olduğumuzu bilmirdik.
qırmızıya çalan üfüqlərin birləşdiyi yerdən
keçib gedirdik,
əlimizi uzatsaq...göyə çatardı.
onda sanki ölümsüzüydü hamı,
ölüm keçməzdi ağlımızdan.
ildə-əyyamda bir qoca öləndə,
kəndimizin yolu tünlük olardı.
camaat ölü yerinə axışardı.
o anlar bir gizilti keçərdi içimizdən,
bir qorxu çulğayardı bizi-
nənələrimizi, babalarımızı itirmək qorxusu.
sonra biz şəhərə köçəndə...
hər yerdə tünlük görəndə, elə bilirdim ki,
bütün tünlüklər ölü yeridi.
və ən çox da tünlükdən qorxardım.
sonra bu tünlüyə də alışdıq, itkilərə də...
indi... xoşbəxtlik başqa cürdü..
xoşbəxt olursan ki, bu gün də şəhid vermədik,
xoşbəxt olursan ki,
kimsə xərçəngə qalib gəlib..
hələ qonşudakı qarı,
hər dəfə pensiyası beş-üç manat artanda,
elə xoşbəxt olur kiiiiiiii,
və deyim ki,
indi xoşbəxtlik qırıq, qırıq...
çox qırıq anlardan ibarətdi.
amma...
biz onda bir ömür xoşbəxt idik,
o qədər xoşbəxtiydik ki,
xoşbəxt olduğumuzu bilmirdik.
xoşbəxtliyin nə demək olduğunu biləndən sonra...
xoşbəxt olmadıq