Арманда кеткен арғымақ

Доспамбет жырау жырлағандай «Дүниенің басы сайран, түбі ойран». Тіріге жан сыйлап оны өзі алатын бір Алла кез келген адамға санаулы да өлшеулі ғұмырын кескен. Алайда жастайынынан қыршынынан қиылған тағдырлар - айналасына әсіресе ауыр тиеді. Бұл үлкен сынақ. Тура бір жыл бұрын қарағайдай қайғы Құлғазиевтар әулетін шайқалтқан болатын. Көлденең келген кесапат баққа балаған дара ұлды, ерекше қымбат бауырды, ауялы жар, абзал әкені арамыздан алып кетті. Көзден жас құрғатып, құлаған көңілді жиып, ой салмақтар уақыт та жеткендей. Адамның жүрегі тоқтағаны мен рухы мәңгі, адымы тоқтағанмен істері тірі, демі біткенімен де жарқын аты өшпейді

Ол отыз жылға бергісіз өмірін мағыналы өткізді. Біз Құлғазиев Салават Келбатырұлының бейнесін естелік қылып жинадық.