Umusonga w'abarengana ukwiye kutubuza gusinzira. Ni intango yo gushyiraho ubuyobozi nyabwo mu gihugu

Ririya jambo niryo ryahinirwamo, ubutumwa bwa Dr Noël Twagiramungu, ubwo yagiraga icyo avuga ku burenganzira bw'ikiremwamuntu mu Rwanda.
Muri iki kiganiro Dr Noël Twagiramungu aragaruka ku miterere y'uburenganzira bw'ikiremwamuntu mu Rwanda, n'ikibazo cy'iyicarubozo muri iki mu Rwanda. Arerekana ko ikibazo cy'akerengane kimaze imyka myinshi, uko ingoma zasimburanye, kandi bikaba nk'umuco mubi wabaye uruhererekane, aho bamwe babona abandi barengana, ntibigire icyo bibabwira. Arasobanura ko mu gihe abantu (cyane cyane abafite ubushobozi) bazagira umutima wo kumva ko akarengane kagera ku bandi kadakwiye kuko kabyara amakuba bitinze bitebutse, icyo gihe bazakigizayo maze himikwe ubuyobozi bwiza mu gihugu.
Ni mu kiganiro yagiranye na Serge Ndayizeye kuri Radio Itahuka gushyirwa kuri Youtube y'iyi Radio tariki ya 15 Ukwakira 2017 kandi cyanyuze no kuri Shrt waves y'iyi Radio muri week-end ishize.