Скачать или смотреть ច្បាប់ល្បើកថ្មី ៩៥-១៤៤

#ច្បាប់ល្បើកថ្មី (បទកាកគតិ)​ (ក្រមង៉ុយ)
៥០. គេដើរយប់ថ្ងៃ មុតជើងមុតដៃ ដឹងចៀសទៅណា ចៀសចុះជាន់ស្រូវ ហើយជេរផ្តាសា កូនម្ដាយអាណា ស្រាស់ដើរមិនរួច។
កុំយកគល់ឈើ ទៅដាក់ពីលើ ទោះធំទោះតូច ជំពប់ជើងគ គេថាឯងខូច ជេរដៀលដល់ពូជ ប្រដូចមេបា។
លើកភ្លឺអោយធំ បង្គាប់អោយមាំ គាប់ភ្នែកទេវតា ស្មើបានសង់ស្ពាន នឹងមិនផលា កើតសាធុការ អាយុយឺនវែង។
កូនអើយធរណី បើតាមគម្ពីរ ដែលលោកសំដែង កុំចង់បានធំ ក្រមុំឆ្វេលឆ្វេង កុំលើកដីឯង លបដាក់ស្រែគេ។
អំពើអាក្រក់ មួយចំរៀកសក់ ធ្លាក់ទៅនិរយ បច្ចុប្បន្នលោកិយ៍ កើតក្ដីវាយជេរ មិនដែលសុខទេ ព្រោះដីមួយហត្ថ។
-------
១៤០ រកស្រីមារយាទខ្ពស់ ចេះខ្ពើមពាក្យឈ្លោះ ចេះទ្រាំអត់ឃ្លាន ចេះស្លូតចេះកាច ចេះខ្លាចចេះហ៊ាន ចេះខ្មាសចេះអៀន កាចមានប្រាជ្ញា។
កូនចៅស្រីប្រុស ចំណាំទុកចុះ ទុកជាតំរា គួរយកតំរាប់ គួរស្ដាប់ពុទ្ធដិកា ព្រះអង្គទេសនា គាថាបួនបទ។
រៀនត្រាប់អ្នកប្រាជ្ញ ... បើចង់ឈ្នះកាច យកស្លុតសង្កាត់ ចង់ឈ្នះមនុស្សខឹង អោយប្រឹងខំអត់ វាជេរវាហត់ វាស្បថលែងខឹង។
ចង់ឈ្នះអសុរោះ ស្ដីលេងឡេះឡោះ កុំធ្វើជាដឹង យើងស្ដីត្រង់ណា អោយចំត្រង់ហ្នឹង ឃើញរិកយើងរឹង ខ្លាចយើងខាងក្រោយ។
ចង់ឈ្នះកំណាញ់ ក្រដេក្រដាញ់ សុំអ្វីមិនអោយ បើបានចំណី ហុចវាញយៗ តិចដោយច្រើនដោយ ក្នុងតែវាដឹង។