Susuz, yolsuz və qazsız - Bolnisinin Dəllər kənd sakinləri bir sıra problemlərdən əziyyət çəkirlər

Bolnisi bələdiyyəsinin Dəllər (Muşevani) kəndində sakinlər elektroenerjiya, yol, su və qaz roblemləri ilə bağlı etirazlarını bildirirlər. Onların dediklərinə görə kənddə illərdir bu problemlərin həlli ilə heç kim maraqlanmır. Qaz olmadığından xalq odun üçün meşəyə üz tutur, ancaq hakimiyyət meşədən odun yığmağı da qadağa edib. Yolların bərbat vəziyyətdə olduğu üçün uşaqların məktəbə gedib-gəlməsi çətinləşir, yağış yağanda isə yollar daha pis və keçilməz vəziyyətə düşür, məktəbə getmək heç mümkün olmur. Sakinlərin verdikləri məlumata görə su problemi də xalqı çox çətinliklərlə üzləşdirir. Həm içməli, həm də suvarma üçün suyun olmaması kənd sakinlərinə bir sıra problemlər yaradır. Kənd təsərufatı, əkin sahələri susuzluqdan yararsız vəziyyətə düşür, gənclər məcbur qalaraq kəndi tərk edir, iş və dolanma üçün başqa şəhər və rayonlara gedirlər, ölkəni tərk edənlər də az deyil. Yerli sakinlər iddia edirlər ki, hakimiyyət bu problemləri süni olaraq yaradır, ayrı-seçkilik etməklə kənd əhalisini öz torpaqlarını tərk etməyə məcbur etmək niyyətindədir.

Neytral.ge xəbər portalı olaraq Muşevani (Dəllər) kəndinin problemləri ilə bağlı bələdiyyə sədri ilə əlaqə saxladıq. Robizon bəy bizim əməkdaşa kənddə heç bir problemin olmadığını dedi, kəndə yaxın zamanlarda qazın kəçilməsi ilə bağlı proektinin olduğunu da vurğuladı. Onun dediklərinə görə kənddə nə su, nə yol, nə də elektoenerjiya ilə bağlı problem yoxdur, yollar asfaltlanıb, su var, işıq 24 saət verilir, küçələrdə də işıq dirəkləri movcuddur, hər yer işıqlıdır. O qeyd edib ki, başqa kəndlərlə müqaisədə, Dəllər kəndində vəziyyət əladır.