Скачать или смотреть එනවද ගමට යන්න...මාත් එක්ක පළතුරු කඩන්න🍒🍓🫒 Let's make a delicious fruit salad using Sri Lankan fruits

ඔන්න... අදත් පළමු ආදරය මා නරඹන ඔබට
My dear friends,Thanks for watching

🌹ඉතින්.ඇවිත් යන්න 'ගම්මානේ' පැත්තට🌹


හිමිදිරියෙම සුදු සේද සළුවක් ඔහේ හුලඟට පා වෙලා යනවා වගෙ හීතලම හීතල මිහිදුම් පටල , උසට උසේ කදු වළලු සිපගෙන...තේ යායවල් මැදින් කාවද මේ හොයන්නේ...

එක පාරටම ' වා කවුලු ' අස්සෙන් ඇවිත් මුලු ගතම හිරි ගැහිලා යන්න මාව වෙලා ගත්තා.මං ඇස් පිහ දදා ගිහින් ජනෙල් පියන් හැරියා.
අනේ... හරිම සනීපයි...

පිණිකැට මුහුන් උනු හීතල සුලං රැලි මගෙ මුලු ආත්මයම ස්පර්ශ කලා...

හිරිකඩු ගැහුනු දෑත් එකිනෙක පිරිමදිමින්
දැස් පියාගෙනම හීතල සුලං රැල්ලක⁣ට මා සිප ගැනීමට මම රිසි සේ අවසර දුන්නා...

ම්ම්ම්... උදැහැනැක්කෙන්ම එයාලා මාවනේ මේ හොයන් ඇවිත් තියෙන්නෙ...

චූටිත්තක් ඉන්නකො...
මං දුවලා ගිහින් දොළ පාරෙන් මූණ සෝදන් එන්නම්...

අම්මෝ අයිස් කැට වගෙනෙ වතුර ටික.මං හොරට මූණ සෝද ගෙන එක හුස්මටම පල්ලම් බැහැලා ගෙදරට දිව්වා.
අඟුරු කකා දුම් දාගෙන දුවන කෝච්චියක් වගෙ දුම් දාගෙන උණුම උණු තේ කෝප්පයක් අරන් අම්මා මගෙ ලඟ...
හැමදාමත් අම්මා හදලා දෙන තේ එක මට මහා මෙරක්...

ම්ම්ම් හරිම රසයි...
අම්මගෙ ආදරෙයි අපේම තේ වතුවල 'තේ' යි බොනකොට ඒක වෙනමම අාශ්වාදයක්...

සිතුවිලි ගොන්නක හිර වෙලා.මං තේ එක අහවර කලා...
ආාාා...
තව පොඩ්ඩෙන් අමතක වෙනවා..අද මං අපේම වතුවල නැවුම් පලතුරු නෙලන්නයි හදන්නෙ.
ඉතින් ඔයාලත් එනවද යන්න
මාත් එක්ක...
එහෙනම් ඉතින් එන්නකෝ...

මේ රුවන් පුරයේ
" සමනොළ " අඩවියයි 🌹...