ALMA SIRKƏSİNİ BİR STƏKAN SUYA BİR QAŞIQ TÖKÜB İÇSƏNİZ...

Alma sirkəsi alma şirəsinin qıcqırmış halıdır. Alma şirəsi qıcqırdığı zaman sirkə turşusu əmələ gəlir. Nəticədə tərkibi tam olaraq başqa bir məhlul alınır. Hələ qədim zamanlardan xalq təbabətində geniş istifadə olunan alma sirkəsi mütəxəssislər tərəfindən də araşdırılıb. Nəticədə alma sirkəsinin insan orqanizmində bir çox problemin həlli üçün əla vasitə olduğu təsdiq olunubdur. Min bir dərdə dəva olan sirkənin sözügedən faydalarını təqdim edirik.
Yatmazdan əvvəl bir qaşıq qəbul etməyiniz kifayət edər ki, qan şəkərinizi nizamlasın. Bu zaman şəkərin qan dövranına qarışmasını yavaşladır, qlükoza səviyyəsini aşağı salır.
Alma sirkəsi eyni zamanda, qan təzyiqini və zərərli xolesterolu azaldır, xeyirli xolesterolu artırır. Qanı duruldur, damarlarda trombların əmələ gəlməsi riskini azaldır. Yeməklərinizə alma sirkəsi qataraq, daha sağlam ürəyə sahib ola bilərsiniz.

Boğaz ağrısına yaxşı təsir edir. Virus əleyhinə olması və antibakterial xüsusiyyəti sayəsində boğaz ağrısına qarşı istifadə edilə bilər. Alma sirkəsi ilə qarqara edərək boğaz ağrısını yumşalda bilərsiniz. Həm də ağız iyini aradan qaldırır. Bunun üçün ağızı gündə bir dəfə alma sirkəsi ilə yaxalayın.
Alma sirkəsində olan asetik turşusu arıqlamağa kömək edir. Aclıq hissini və su itkisini azaldır. Eyni zamanda yağ yandırılmasına da kömək edir. Piylərin parçalanma prosesini sürətləndirir, iştahanı azaldır. Salatlarınıza iki qaşıq əlavə etsəz xeyrini görərsiniz. Hər səhər ac qarına 1 stəkan suyun içinə 1 xörək qaşığı alma sirkəsi və bal qatıb için.
Bağırsaqlara antiseptik təsir edir, həzmi asanlaşdırır, disbakterioz zamanı faydalıdır. Balaca stəkanda suya bir qaşıq bal və bir qaşıq alma sirkəsi qarışdırıb axşam yeməyindən yarım saat əvvəl için. Həmçinin bu qarışım bağırsaqlarda qurdlarını da öldürür.

Baş ağrısı zamanı sirkə ilə kompres çox kömək edir. Bunun üçün sirkəni bir qədər qızdırın, içində pambıq əski isladın və alın nahiyəsinə qoyub şalla bağlayıb uzanın.

Alma sirkəsi varikoz xəstəliyi zamanı damarların vəziyyətinin yaxşılaşmasına, damarların möhkəmlənməsinə, ağrıların aradan qaldırılmasına yaxşı kömək edir. Bunun üçün alma sirkəsi ilə olan kompreslərdən istifadə etmək olar. Parçanı alma sirkəsinə batırın və ayaqları aşağıdan yuxarıya doğru yüngül sürtün. Sirkə quruyandan sonra ayaqlarınızı yumayın.

Alma sirkəsi Kosmetologiyada da geniş istifadə olunur …
Antioksidant xüsusiyyəti dəridə qırışların qarşısını alır, ləkələri müalicə edir. Bir sprey qabına alma sirkəsi töküb, üzərinə bir az su əlavə edərək, üz təmizləyici tonik kimi də istifadə edə bilərsiniz. Pambığın köməyi ilə ləkələrinizin üstünə sürtdükdə isə ləkələrin yox olmasını sürətləndirir. Dərisi yağlı olanlar hər gün üzünü alma sirkəsində isladılmış pambıqla silsin. Bu, artıq parıltını götürür, məsamələri yığır, sızanaqları müalicə edir.
Sağlam saçlarınızın olması üçün boş bir qutuya 1 çay qaşığı alma sirkəsi və bir stəkan su töküb çalxalayın. Həftədə bir dəfə şampundan sonra saçlarınızı bu qarışımla yaxalayın.
Bir qaşıq alma sirkəsinə iki qaşıq zeytun yağı əlavə edərək, sellülit olan bölgəni masaj etsəniz dəyişikliyin fərqinə varacaqsınız.
Alma sirkəsi qatılmış su ilə ayaqları vanna etdikdə ayaq iylərindən xilas olmaq olur. Bu məqsədlə ayaq vannası edilən suya 2 stəkan alma sirkəsi əlavə edilir və ayaqlar ən azı 15 dəqiqə vanna edilir.

Nəzərə almaq lazımdır ki, yalnız təbii alma sirkəsi sağlamlığa fayda verə bilər. Lakin çoxlu miqdarda da qəbul etmək olmaz. Çünki bəzi mədə-bağırsaq sistemi xəstəlikləri zamanı alma sirkəsinin qəbulu ziyanlı ola bilər. Bu səbəbdən istifadə etdikdən əvvəl həkimlə məsləhətləşin.