Ferhat MEHENNI - TIΓRI N IDURAR (Nouvelle chanson 2024)

TIΓRI N YIDURAR
.
Tagi d tiɣri n yidurar
tin i s yekkuffer, win i d-yettnekkaren d aεdaw n Uqvayli

Seg umezruy-nneɣ i d-tufrar
yid-s i d-tefferfer s wafriwen-is, teskaray-d aḍu n tlelli

Di tegnawt n yimesdurar
d yiṭij teṭṭafaṛ, tessawal-d i yal yiwen ad d-yili

Ass-a, ad tt-neqqen d azrar
d taziva n sser, ɣef yidmaren-nneɣ, s yisseɣ, ad tt-nettawi

Kunwi, a wid i s-yeslan
tarwa d imawlan d kunwi i d at wakal, i d at wawal

Tawacult-nneɣ d aɣlan
yifen kra yellan sdat lvaṭel, gar-aneɣ ulac amerwal

Ma s talwit akked yizlan
i d-nessaki aklan ammer deg uvrid n tlelli ur nettɣawal

Tiyersi tfessi s wuglan
d tudert i ɣ-d-imlan taqvaylit ɣer timunnent i d-tessawal

Tagi d tiɣri n yidurar
tin i s yekkuffer, win i d-yettnekkaren d aεdaw n Uqvayli

Seg umezruy-nneɣ i d-tufrar
yid-s i d-tefferfer, s wafriwen-is, teskaray-d aḍu n tlelli

Di tegnawt n yimesdurar
d yiṭij teṭṭafar, tessawal-d i yal yiwen ad d-yili

Ass-a, ad tt-neqqen d azrar
d taziva n sser, ɣef yidmaren-nneɣ, s yisseɣ, ad tt-nettawi

Kečč a win ur d as-nesli
ay avuhali, tarewla mačči d tin i imenεen vav-is

Seg uqerruy-ik ɣas zewwi
wwet akken ad d-teɣli, tugdi-nni i k-ikerfen s tuccar-is

Xemmem cwiṭ, nadi, wali
amek ara tali, leεnaya tesvur tmurt, d avernus-is

Tifrat-ines d tadukli i yezzemren i tikli,
yis-s taεkemt-nneɣ, imir ad as-naf ixf-is

Tagi d tiɣri n yidurar
tin i s yekkuffer
win i d-yettnekkaren d aεdaw n Uqvayli

Seg umezruy-nneɣ i d-tufrar
yid-s i d-tefferfer, s wafriwen-is, teskaray-d aḍu n tlelli

Di tegnawt n yimesdurar
d yiṭij teṭṭafar, tessawal-d i yal yiwen ad d-yili

Ass-a, ad tt-neqqen d azrar
d taziva n sser, ɣef yidmaren-nneɣ, s yisseɣ, ad tt-nettawi




.