Sweet & Sour Mustard Green Soup With Pork မုန်ညင်းစော

မုန်ညင်းစော

ပါဝင်ပစ္စည်းများ

ဝက်သားအဆီအသား ၃၀ကျပ်သား
ဝက်နံရိုး ၃၀ကျပ်သား
မုန်ညင်းစိမ်း နှစ်စည်း
ဗမာနံနံ
ငရုတ်သီး
ကြက်သွန်ဖြူ ၇မွှာ
ကြက်သွန်နီတစ်လုံး
ဂျင်း လက်တဆစ်
ခရမ်းချဥ်သီး လေးလုံး
မက်လင်​ခြောက် ၇ဖတ်
ကြံသကာ အနေတော်တခဲ
ဆားလက်ဖက်ဇွန်းတဇွန်း
ဆနွင်းအနည်းငယ်
ဆီအနည်းငယ်


ချက်နည်း

မုန်ညင်းရွက်တွေကို သင်ထားပြီး ဆားအနည်းငယ်ထည့်၊ ရေစိမ်ထားမယ်။ကြက်သွန်နီကို ပါးပါးလှီးထားမယ်။ကြက်သွန်ဖြူ၊ဂျင်းကိုတောက်တောက်စင်းထားမယ်။ခရမ်းချဥ်သီးကို အတုံးလေးတွေ တုံးထားပါမယ်။
ဝက်သားကို ရေစင်အောင်ဆေးပြီးချက်မယ့်အိုးထဲထည့်မယ်။ ခရမ်းချဥ်သီး၊ကြက်သွန်ဖြူနီ၊ဂျင်းကိုထည့်မယ်။ဆီအနည်းငယ်၊ဆနွင်းအနည်းငယ်၊ဆားတို့ကို ထည့်ပြီး လုံးချက်ချက်ပါမယ်။ငါးမိနစ်ခန့်ချက်ပြီးသွားရင် ရေဆေးထားတဲ့မုန်ညင်းရွက်ကိုထည့်မယ်။ မုန်ညင်းရွက်တွေနူးလာရင် ရေနှစ်လီတာခန့်ထည့်ပါမယ်။မုန်ညင်းရွက်၊ဝက်သား နူးအိလာသည်ထိ ကြာကြာလေးချက်မယ်။နောက်ဆုံးကြံသကာအနေတော် တခဲ ထည့်လိုက်မယ်။
ကြံသကာခဲအရည်ပျော်သွားရင် အရသာ မြည်းကြည့်ပြီးလိုတာထပ်ထည့်ပါမယ်။

မုန်ညင်းစောဟင်းရည်အိုးတည်ထားတုန်းမှာ တွဲစားဖို့ ငရုတ်သီး ကိုဆားထည့်ထောင်းမယ်။ ငရုတ်သီးကိုစိတ်ကြိုက်‌‌ ‌ေထာင်းပြီးရင် နံနံ ပင်ကို ပါးပါးလှီးထည့်ထောင်းမယ်။

မုန်ညင်းရွက်နဲ့ ဝက်သားနူးအိလာရင် ငရုတ်သီးနံနံပင်ထောင်းလေးနဲ့တွဲဖက်စားသုံးပါ။လိုက်ဖက်တဲ့ဟင်းအတွဲအစပ်လေးဖြစ်ပါတယ်။

#မုန်ညင်းစော
#mustard
#soup
#traditional
#traditionalfood
##shan
#pork