Скачать или смотреть 1255)श्री ज्ञानेश्वर म. समाधी सोहळा | Arvind P Patil

🕉👏श्री सद्गुरुकृपा -(प्र. १२५५ दि. १७/११/२५ ) आज श्री ज्ञानेश्वर महाराज संजीवन समाधि सोहळा आळंदी - या महन्मंगल प्रसंगी आपण माऊली ला श्रद्धा भक्ति ने वंदन करणार आहोत.
विठ्ठल पंत गुरुच्या आज्ञेनुसार पुनः संसारी झाले. त्यांना निवृत्ति ज्ञानदेव सोपान आणि मुक्ताई अशी चार मुले झाली. समाजाने या परिवाराला फार छळले. विठ्ठल पंतांनी जेंव्हा मुलांच्या मुंजीबंधना बद्दल विचारले तेंव्हा त्या काळच्या पंडीतांनी सांगितले, सन्याशाच्या मुलांच्या मुंजी बंधनाचा उल्लेख शास्त्रात नाही. यावर एकच उपाय तुम्ही दोघांनी देह सोडायला पाहिजे.
चारही मुले रात्री झोपलेली असतांना अत्यंत व्याकुळ होऊन व्यथित अंतःकरणाने विठ्ठल पंत आणि रुक्मिणी आई निघून गेली. त्यांनी जलसमाधी घेतली. यापूर्वीच निवृत्ती दादांना गहिनी नाथान कडून अनुग्रह मि़ळाला होता. ही चार भावंडे सिद्धबेटावरील झोपडीत रहात होती. लोकांचा छळ चालुच होता.
संध्याकाळी ही मुले स्तोत्र म्हणायची. हळूहळू तेथे लोक जमायला लागले. तेंव्हा निवृत्ती दादांनी सांगितले, ज्ञाना या सगळ्यांना समजेल असे एक स्तोत्र लिही. तेंव्हा माऊली ने हरिपाठाचे अभंग रचले. आता नित्य नेमाने सारे लोक अभंग म्हणु लागले. हरि मुखे म्हणा हरि मुखे म्हणा पुण्याची गणना कोण करी ।
नियमाने येणारे लोक वाढु लागले तेंव्हा दादांनी सांगितले ज्ञाना, आता तु भगवद्गीतेचे मराठी मध्ये रूपांतर कर. तेव्हा भीवार्थ दिपीका म्हणजे ज्ञानेश्वरी तयार झाली. बराच काळ निघुन गेला तेंव्हा निवृत्ती दादांनी सांगितले, आता तू स्वतःचे
अनुभव व्यक्त करणारा एक ग्रंथ लिही. तेंव्हा माऊलीने अमृतानुभव हा ग्रंथ लिहीला. फार सुंदर ग्रंथ आहे,अवश्य वाचून पहावा.
या नंतर माऊली ने सांगितले दादा, माझे कार्य पूर्ण झाले मी आता संजीवन समाधी घेणार. वय वर्ष बावीस. समाधीची सर्व तयारी झाली, स्वतः पांडुरंग आणि दादांनी माऊलीला आसनावर बसविले, तो प्रसंग सर्व संतमहानुभावाचे ❤️ हेलावुन टाकणारा होता. समाधी बंद करण्यात आली तेथे विठ्ठल नामाचा गजर झालेला आहे.
पंढरपुर जेथे पांडुरंग आणि शिवशंकर एकवटले आहेत,
हे क्षेत्र “खिल” म्हणुन नियोजित केले गेले.आणि पंढरपूर वारी यात्रा सुरू झाली.
वेद उपनिषदामध्ये जे जे काही सांगितले आहे तोच बोध या
संतमहानुभावांनी केलेला आहे. मी अवश्य सांगु इच्छितो हरिपाठाचे अभंग ज्ञानेश्वरी अमृतानुभव याचा स्वाध्याय अवश्य करावा. आज ज्ञानेश्वर माऊली च्या समाधी सोहळ्याच्या निमित्ताने हे मला सांगावेसे वाटले. आज या सर्व संतांना मी अंत:करणं पूर्वक प्रणाम करतो. ज्ञानबा तुकाराम! ज्ञानबा तुकाराम! जय काडसिद्ध! जय काडसिद्ध!
( जन्म २२/८/१२७५ समाधि २/१२/१२९६ )
( या विषयावर मी सविस्तर प्रवचने केली असून ती युट्युबवर
अपलोड केली आहेत. )