Скачать или смотреть උසස් පෙළ සිංහල සාහිත්‍යය|ධර්මසිරි රාජපක්ෂයන්ගේ |නංගිගේ රහසිගත සෙනෙහෙ වීණාව|Punsara Chandrasekara

නින්ද නැති
මේ රැය
ගෙයින් පිට රැළි ගසන සඳ වතුරුය.

රබර් ගස්
නැති නමුදු
සීතල සිංහරාජය පාමුලේ
සිහිවේ මට
නිඳිමත ආනන්දයෙන් චමත්කාරය වගුළ
සඳපහන උරා මත් වූ ගමේ රබර් යාය

නවම් මහ ගෙවී යත
ඉපල් අතු අග
මුදු ළපටි දලු ඇදෙන
රාත්‍රියේ

කුප්පි ලාම්පුවේ දැල්ල මිලින කොට
පිඟන් කටු කෑල්ලක් ගෙන
කිරි පිහිය මුවහත් කරමින
සොඳුරු වූ රහසිගත සෙනෙහෙ වීණාව ගෙන
සඳ පහන සේ ආදරෙන්
වය වයා
මිහිර විඳ විඳ
බොහෝ වේලා
නිදි වරන නැඟනියනි
රළු ය
නුඹෙ අත
කිරි පිහියට

සැබෑමය එය

මුදු ය
සුපිරිසුදු ය
නුඹෙ දෑත

දිගු කොට සඳ කැරැල්ලක් සේ ම
ඒ අත
මාත් වාඩි කරගනු මැන ඔය සඳ යට ම
නැඟණියනි.


උසස් පෙළ සිංහල නූතන පද්‍ය යටතේ එන ධර්මසිරි රාජපක්ෂ මහතාගේ නංගිගේ රහසිගත සෙනෙහෙ වීණාව පද්‍ය පන්තිය පහසුවෙන් මතක තබා ගැනීමට මා ද උසස් පෙළ සිංහල විෂයට පාඩම් කරන ලද කාල සීමාව තුළ මෙවැනි වීඩියෝ ප්‍රයෝජනයට ගනු ලැබීය. එම නිසා මා විසින් සකස් කරන ලද මෙම වීඩියෝව උසස් පෙළ සිංහල විෂය හදාරන ආදරණීය ඔබ සඳහා ද ඉතාමත් වැදගත් වීඩියෝවක් වනු ඇතැයි සිතමි.