ال جابـر فزعة البل 🔥| حفل خميس بن عايض ال عزره | كلمات علي بن حمد المريض الراس | أداء صالح ال منصور

.
.
اشترك وفعل التنبيهات في قناة حمد البويصم الرسمية
للحصول على أحدث إصداراته الفنية
‏https://cutt.us/bSX4h


ـ
حفل زواج : خميس بن عايض ال عزره
كلمات : علي بن حمد ال مريض الراس
أداء : صالح ال منصور
تصميم : حمد البويصم

__

الكلمات :

ابتدي بسم الله الواحد الفرد المعين
واحمده جزل العطايا على كثر نعمه

مرحبا بسم ال عزره ابكل الحاضرين
عد نوٍ لاح برقه وللرعد رزمه

مرحبا باللي تلافو على سمن وسمين
عد مابانت نجوم الليال المظلمه

عند عايض بن محمد عشير الغانمين
القصير يدلهه والمسير يكرمه

ابلجٍ من طيب راسه جمع دنيا ودين
ياعسى ربي يزيده بمنه وكرمه

في حفل صبيٍ الى كبرت الدعوه يبين
حي راسٍ فالمواقيف ماهو برخمه

لاتعزوا بالعضيبا وفي صافي الجبين
محزمٍ فالضيق ياسعد منهو محزمه

والخوال أهل الكرم من قديمات السنين
ترثت محمد بن خميس الله يرحمه

راعي الرجما حزام الذي ماله عوين
حاتميٍ فيه طنخه ويعرف بكرمه

وان تطرقنا لفعل الجدود الاولين
يعجز الشاعر عن المدح ويجف قلمه

ياوريث اهل العقاده ومنجين الزبين
لحتمى الميدان ثم صار فالجو كتمه

راشد بن فهيد جدك يضد المعتدين
في نهار الهوش صف المعادي يقسمه

كسبه الغافل وكل الخلايق شاهدين
في نهار فيه للخيل كره ورهمه

ال عزره محزم الجنب والدرع الحصين
ماتوفيهم دواوين شعر وملحمه

وال غضبانٍ هل الطيب سقم لعايلين
كم عقيد قد تركناه يسبح في دمه

نارد حياض المنايا وحنا صاملين
وان زما العايل علينا نجيه ونخزمه

وال جابر فزعه البل ومنجى الخايفين
الخوي انقدره والمعادي نلطمه

الجبال الشامخه من عزاوينا تلين
والعدو اليا سمع بسمنا ضاق نسمه

ودارنا يبرين فيها بخير ووامنين
دارنا من قبل رسم الحدود مرسمه