Скачать или смотреть శివ పార్వతులు ఇద్దరూ ఒకే పానవట్టం మీద పూజలు అందుకుంటున్న లింగం || కృష్ణుడు రాధతో కాకుండా గోపికతో

కాశీ ఖండం లోని 97 వ అధ్యాయంలో 9, 10, 11 శ్లోకాలలో ఈ లింగం గురించి మరియు అక్కడే ఉన్న గోప్రేక్ష తీర్థం గురించి వివరిస్తారు.
ఆది మహాదేవ లింగానికి తూర్పుగా ఈ గోప్రేక్షేశ్వర లింగం ఉన్నదని ఈ లింగాన్ని దర్శన మాత్రం చేతనే గోదాన ఫలము కలుగుతుంది అని చెప్పి ఇందులో చెప్పారు.

శ్రీ గోప్రేక్షేశ్వర మహాదేవ్ (గౌరీ శంకర్) మందిరం గూగుల్ మ్యాప్ కో-ఆర్డినేషన్
Shri Gopreksheshwar Mahadev (Gauri Shankar) Temple - Kashi Khand
https://maps.app.goo.gl/x8mYNcw2nPZWq...

గోహత్య పాతకాన్ని సైతం పోగొట్టే అంత శక్తి ఈ లింగానికి ఉంది అని అంటారు.
పూర్వం శివుడు గోలోకం నుండి గోవులను ఇక్కడికి పంపించారట అప్పటినుండి ఈ ప్రాంతానికి గోప్రేక్ష నామము సార్ధకమయింది.

ఈ గోప్రేక్షేశ్వర లింగం ఒక అద్భుతమైన లింగం. లింగాకారంలో శివుడిని విగ్రహ రూపంలో అమ్మవారిని ఒకే పానవట్టం మీద దర్శించడం ఇక్కడ మాత్రమే సాధ్యం. నాకు తెలిసినంతలో ఇలాంటి అద్భుతమైన లింగం మరొకటి లేదు. మీకు ఏమైనా తెలిసి ఉంటే కనుక కింద కామెంట్ లో తెలియజేయండి. శివపార్వతులిద్దరూ ఒకే పానవట్టం మీద దర్శనం ఇస్తుండడం వలన ఈ లింగాన్ని అర్చించిన వారికి ముఖ్యంగా దంపతులకు విశేషమైన ఫలితం కలుగుతుంది. ప్రస్తుతం ఈ ఆలయంలో ఉంటున్న అర్చకులు ఇచ్చిన సమాచారం మేరకు దంపతుల మధ్య సఖ్యత లేని ఎన్నో వేల కుటుంబాలను ఈ లింగం నిలబెట్టింది. ఈ గుడిలో ఉదయం 7 గంటల నుండి 11 గంటల వరకు దర్శనానికి మరియు రుద్రాభిషేకానికి అనుమతి ఉంటుంది. సాధారణంగా లింగానికి రుద్రాభిషేకం చేయడం మీరు చూసే ఉంటారు, కానీ అమ్మవారికి ఎప్పుడూ రుద్రాభిషేకం చేయరు. అదే ఈ లింగానికి కనుక రుద్రాభిషేకం చేస్తే పార్వతీదేవికి కూడా చేసినట్లే. ఈ విధంగా పార్వతీపరమేశ్వరులు ఇద్దరికీ కూడా ఒకేసారి రుద్రాభిషేకం చేయడం వలన అద్భుతమైన ఫలితం కలుగుతుంది. కనుక దంపతులు కచ్చితంగా ఈ రుద్రాభిషేకంలో పాల్గొనడానికి ప్రయత్నించండి. లేనిపక్షంలో కనీసం జీవిత భాగస్వామితో కలిసి గంగాజలంతో అభిషేకించండి.


మాఘ మాసంలో ఈ గోప్రేక్ష తీర్థంలో స్నానం చేసిన వారికి మోక్షం లభిస్తుందండి. ప్రస్తుతం ఉన్న బద్రి నారాయణ ఘాట్ నుంచి శీతల ఘాట్ వరకు ఉన్న ప్రాంతాన్ని అంతా ఈ గోప్రేక్ష తీర్థం గా వ్యవహరించేవారు. మాఘ మాసంలో వచ్చే పౌర్ణమి రోజున ఈ గుడిలో వార్షిక యాత్రను నిర్వహిస్తారు. శ్రావణమాసం ప్రతి సోమవారం కూడా ఈ లింగానికి ప్రత్యేకమైన అలంకరణ చేస్తారు మరియు ప్రతి సంవత్సరం డిసెంబర్ 25, 26 తారీకులలో అన్న కూట్ ఉత్సవాన్ని కూడా నిర్వహిస్తారు.


ఇదే గుడిలో షోడశ విష్ణువులలో ఒకరైన గోపి గోవిందుడు కూడా ఉన్నారండి. ఈ విగ్రహం గోప్రేక్షేశ్వర లింగానికి వెనుక వైపున ఉన్న గోడకి అద్దంతో చేసిన తలుపులు ఉన్న అరలో ఉంటుంది. కాశీఖండం 61 వ అధ్యాయంలో విష్ణుమూర్తి అగ్ని బిందువు అనే ఋషి పుంగవునికి కాశీలో ఉన్న వివిధ విష్ణు తీర్థముల మరియు విష్ణు రూపాల గురించి వివరిస్తాడు.

గోపి గోవింద తీర్థము దగ్గర గోపి గోవిందుడు గా ఉన్న నన్ను పూజించిన భక్తులు నా మాయలో చిక్కుకొనరు. నిజంగా విష్ణు మాయ నుంచి తప్పించుకోవడం అంత సులభ సాధ్యమా అండి. అలాంటిది ఈ మూర్తిని ఆరాధించడం వలన మనం ఆ మాయా మానుష లీల నుండి తప్పించుకోగల మట. ఆ మాయ నుంచి తప్పించుకున్నామంటే మనకి సత్యం ఏమిటో తెలుస్తుంది. ఆ సత్యం తెలియడం వలన ఏమి జరుగుతుందో ఇప్పటికే మీకు అర్థమై ఉంటుంది.

ఈ విగ్రహాలను చూసి చాలామంది రాధాకృష్ణులు అనుకుంటారు అండి. ఎందుకంటే మనం ఎక్కడ చూసినా సాధారణంగా కృష్ణుని విగ్రహం రాధా దేవి తోనే ఉంటుంది. మరీ ముఖ్యంగా ఈ సాంప్రదాయాన్ని ఉత్తర భారత దేశంలో ఎక్కువగా చూడవచ్చు. కానీ ఈ గుడిలో మీకు ఈ విష్ణుమూర్తి పక్కన ఉన్న ఈ విగ్రహం రాధాదేవిది కాదండి. ఈ విగ్రహం గోపికలది. మనకి తెలుసు కదా కృష్ణుడితోపాటుగా 16,000 మంది గోపికలు ఉండేవారని. పూర్వం ఈ విగ్రహం వెనకాల 16,000 మంది గోపకాంతాల విగ్రహాలు ఉండేవట. కాలక్రమేనా ముస్లింల దండయాత్రలో ఆ విగ్రహాలన్నీ పోగొట్టుకున్నా ఈ విష్ణుమూర్తి విగ్రహాన్ని మాత్రం జాగ్రత్తగా భద్రపరిచారు. ఇప్పుడు మీకు కనబడుతున్న ఈ గోపిక విగ్రహాన్ని రెండు తరాల క్రితం వారు ప్రతిష్టించారు.

కాశీని రక్షించే దేవతలలో ఒకరు అయిన నారాయణి అమ్మవారు కూడా ఇదే గుడిలో ఉన్నారండి. ఈ విగ్రహం గోప్రేక్షేశ్వర లింగానికి ఎదురుగా ఉంటుంది. కాశీఖండం 70 వ అధ్యాయంలో ఈ నారాయణి అమ్మ వారి గురించి ప్రస్తావించారు. గోపి గోవిందునికి ఉత్తరాన ఉన్న ఈ నారాయణి అమ్మవారిని సేవిస్తే కనుక విఘ్నాలన్ని తొలగిపోయి వారికి మహోన్నతి లభిస్తుంది.
ప్రతీచ్యాంగోపిగోవిందాదభ్రామ్యచ్చక్రోచ్చ తర్జనీం.. నారాయణీం యః ప్రణమేత్తస్య కాశ్యాం మహోదయః అని 35వ శ్లోకంలో వివరించారు.