Nupi Le Va Kawl Thiamnak Lam - Rev. Hoi Cung Tum

Piangthar nih piangthar lo tthit le vat hi na ngamh ko maw? Na ngamh ahcun na duhnak mit zong a si kho i, na pianthar lo ca zongah a si kho. Ngai hmanh ; party a kal pah mi, nuamhnak a duh ngaimi, hmawm le dinei a hmang mi, nupa sinak zei a rel lomi, Pathian a duh lomi, Bible rel le thlacam zong a huam lomi, nupa bia a ngai lomi hi a tlangpi cun piangthar lo nih an tuah tawnmi an si. Lenglei in mirum, minthang le muidawh na zoh ahcun family na tawlrel kho lai lo. Misual zong komh le duh an phu lo, na pianthar ko ahcun. Piangthar nih sualnak hi na zaam tak lo ahcun na tuah te ve hrimhrim lai. Mi thim na thiam lo ahcun na pum zong a uai kho i, mi komh ding na thiam lo ahcun na nunnak hi a rawk dih kho. Innchungkhar dirh naa palh ahcun na lungretheih cikcek te lai. Cucaah a piangthar mi nu or a piangthar mi pa naa hmuh poh ahcun i thim law, i hawikom ulaw i um colh ko u.

Atu ah va ngei cia le nupi ngei cia na si i na va, na nupi a pianthar lo ahcun thlacam piak ding a si. An piantharnak hnga i zuam ding lawng a tang cang. Nuleva i tthen cu Bawipa nih a duh lo.