Скачать или смотреть 一馬當先行大運｜李丞責批GM葉蒨文互旺有福 麥玲玲向潘靜文林智樂偷師歌藝

一馬當先行大運｜李丞責批GM葉蒨文互旺有福 麥玲玲向潘靜文林智樂偷師歌藝

玄學節目《一馬當先行大運》將於2月9號晚首播，堪輿學家 李丞責 同 麥玲玲 喺節目中會帶領 曾展望GM、葉蒨文Sophie、潘靜文Shermam、林智樂Filex 同 胡敏芝Karen 穿梭中港兩地拍攝，教大家開運秘訣，呢日佢哋一齊現身宣傳時，為迎合馬年仲一齊大玩跑馬仔。

GM同Sophie呢對情侶就被丞丞師傅大爆合作趣事，指佢哋鏡前鏡後都一樣恩愛，互相都好旺大家。丞丞師傅仲話自己係十二生肖之一，拍攝時間中被集郵好平常，但深刻記得喺廣州拍攝時，GM同Sophie好受歡迎，粉絲群由頭跟到落尾影相拍片，GM謙虛咁話啲人其實想搵丞丞師傅睇流年，所以先跟住佢哋偷聽。

GM同Sophie日前喺廣州以情侶檔出騷，甜蜜親嘴舉動閃爆全場，講起呢個畫面時，兩位都顯得有啲尷尬，Sophie就話係即興，但GM就怕醜都話唔記得咗，搞到身旁嘅丞丞師傅提點佢話鍚完女仔唔可以話唔記得。

玲玲師傅就同Sherman、Filex、Karen 去咗深圳食好住好，仲去咗唱卡拉OK，受到Sherman、Filex兩位唱家班嘅影響，令玲玲師傅觸發歌癮，仲話要向兩位偷師歌藝，方便他日行走江湖，佢又大讚三位年輕有為，有經大惱諗嘢，合作得好開心。Sherman笑笑口自揭首度拍節目唔使跟稿，因為有玲玲師傅嘅字字珠譏，Filex亦大讚師傅言談鏗鏘有力，擲地有聲，令佢哋學到唔少嘢。

#一馬當先行大運 #玄學節目 #李丞責 #麥玲玲 #曾展望 #葉蒨文 #潘靜文 #林智樂 #胡敏芝 #廣州 #深圳 #歌癮 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0