ENKAAYANA KU TTAKA: E Ssembabule waliwo abasula ku bunkenke

Ensonga z'ettaka mu district y'e Sembabule zongedde okulinnya enkandaggo ng'abantu abavaayo okwekubira enduulu olw'abagaala okubagoba ku ttaka beeyongera. Ku kyalo Kitayiiira mu ggombolola y'e Mitima mu district y'e Sembabule, abaayo bagamba nti waliwo famire egugulana nabo ku ttaka erisukka sqaure miles bbiri nga waliwo n'omutuuze alumiriza nti baamuttira mukyala we mu buvuyo obuzze bubeerawo nga balikaayanira. Minisita omubeezi ow'eby'ettaka Sam Mayanja, atuseeko mu kitundu okulaba embeera abatuuze gye balimu wabula nga abakulira eby'ettaka ebuuyi eyo balumiriza abantu aboogerwako okufuna ebyapa mu ngeri emenya amateeka. #NTVNews #Akawungeezi

For more news visit http://www.ntv.co.ug
Follow us on Twitter   / ntvuganda  
Like our Facebook page   / ntvuganda