شيلة مرثية ياحبيبي يابوي مرثية أبوي اداء عبدالرحمن بن سعود خذاه الموت راح ابوي

جوال واتس 0549725354

سنابي
bin_saud79
#شيلات #مرثية #ابوي
خذاه الموت أبوي الله يرحمه ويغفر له 💔
رابط تحميل ام بي ثري

https://i.top4top.io/m_1702f4mje1.mp3

قالوا توفى واحس الرمح طاعني
بين الضلوع الحنايا سل سلاله

انشــهد ان الليال الــسود لاعني
ياوجـد حالي لواني ميــت ابداله

ابوي ابــويه تقـفاه الزمـن عني
وانا من الحزن بعده حالتي حاله

حتى بيوت القصايد غصب طاعني
ياحزن قلبي وياهــمه وغــرباله

مات الوفاء والكرم ياضحكة السني
مات النباء والجناب السمح واقباله

مات الطهر والصبر ياصادق الظني
مات الاصيل الجميل اللي على فاله

مات العطاء قبل يسفط مدة المني
مات النظيف العفيف معلّم اجياله

مات الابو والحبيب اللي له آكني
محبة مثــل حــب ابــوي لعياله

مات اللبيب القريب وقطعةً مني
اللي يديني له اقرب له من اظلاله

ماني مصدق فراقً صار قاتلني
استغفر الله ولي العرش وألجاله

ابكيه وارثيه والابيات يرثني
اقديت ماخطيت والاقدار قتاله

وعيون ربعه من الفرقى تباكني
ويلاه ياشوفته وامقابل ادلاله

ياسعود ياابوك اخذ بعض الحزن عني
ابوك حاله من الاحزان يرثاله

ماغير ينثر دموع البين ويوني
في عالي الرجم دج وجر مواله

ياالله بصبراً مساحاته تجمعني
انا شتاتي يمين الدار واشماله

وياالله عسى ابوي عندك ضاحك السني
بين النبي والصحابه حط منزاله