شيلة الصبر ياللي تقولون الصبر أداء عبدالرحمن بن سعود شيلات 2021 شيلات حزن مرثيه

مرثية ام عيسى لـ ابنها احمد فواز نواف خمسان الرشيدي رحمه الله.

سنابي bin_saud79

#شيلات #حزن #مرثيه #بوح
شيلات #عبدالرحمن_بن_سعود

كلمات #القصيدة

الصبر يالي تقولون الصبر
وين ابلقا صبر وفكاري تموت

مات ولحق موتته ضيم وقهر
مات لاكن جوف صدري مايموت

ليت عندي جبر من شي انكسر
وليت حظي من كبيرين البخوت

نوب صطوات الشجاعه للعسر
لو تموت بوسطها ولا نجوت

وأنسجن السيف مرسومه صدر
وأنتخيت الكل زدت الصوت صوت

لاح صوتي في مشايخ وأستمر
ليتهم ماطلعو شيوخ البشوت

كل راسً لانخيته انحدر
جعلكم صوب الفنا مافات فوت

كل ماشفت السحابه والمطر
ادعي الله يهدم ضعاف البيوت

من تولا في مشاعره الفقر
مامسك بجداره الا العنكبوت

ودارت ايام وليالي مع شهر
وقترب يومً تولجه السكوت

الله اللي رادلي يوم الخبر
كني اللي صابرً في بطن حوت

اسرحي فالوقت ياعيون السهر
ونثري دمعك وخليها تفوت

قد كِرهت البر ومواج البحر
دوم نفسي مشتهت راحه وقوت

وراسي اللي داخله نوح وسفر
اجلس مع الناس وفكاري شتوت

يالله انك ترحمه جوف القبر
تسكنه جنه ولا عنها يفوت

والعوض بالي لهم عز وقدر
الثنين اللي على قلبي ثبوت

شوف عيسى ينبت بصدري زهر
وانت يانواف ماعمرك نحوت

يالله انك تبعد اصدوف الدهر
والله اني من مطراهم نجوت

لو يطول الوقت بيبين النصر
وتنثني للوقت لو انك علوت