Скачать или смотреть Mwili wa Tarimo aliyetuhumiwa kumuua Beatrice kwa kumchoma visu mara 25 wazikwa, Katekista asema ...

Rombo.Hatimaye mwili wa Lucas Tarimo (39) aliyetuhumiwa kumuua Beatrice Minja(47) kwa kumchoma visu mara 25 mwilini mwake na kusababisha kifo chake, umezikwa nyumbani kwake katika Kijiji cha Mbomai, Tarafa ya Tarakea, Wilaya ya Rombo, Mkoani Kilimanjaro.

Akizungumza msibani hapo Katekista parokia ya Tarakea jimbo katoliki Moshi, Godfrey Kiondo alisema msiba huo ni wa ukoo na kwamba kanisa linasimamia, ambapo pia ameisisitiza jamii na wazazi kusimama vyema katika malezi ili kukuza kizazi bora.

Paskal Tarimo, ambaye ni msemaji wa famili alilishukuru jeshi la polisi kwa kumpata kijana wao na kuweza kumfikisha nyumbani ambapo amezikwa.

Kwa mujibu wa historia, Marehemu Lucas Tarimo alikuwa mjasiriamali na alijishughulisha na shughuli za ufundi, kilimo na ufugaji ambapo ameacha Mke na watoto saba.