ဒီပွဲဟာ ပြည်သူလူထုကိုပဲ အနိုင်ပေးသင့်တယ်

ဒီပွဲဟာ ပြည်သူလူထုကိုပဲ အနိုင်ပေးသင့်တယ် (ရုပ်/သံ)

ဧရာဝတီ၊ ဩဂုတ် ၈၊ ၂၀၂၄

သမိုင်းဝင် ၈၈၈၈ လူထုအရေးတော်ပုံဟာ ၃၆ နှစ်တိုင်ခဲ့ပြီဖြစ်ပါတယ်။ လွန်ခဲ့တဲ့ ၃၆ နှစ်က လမ်းမတွေပေါ်ထွက်ပြီး ငြိမ်းချမ်းစွာ ဒီမိုကရေစီတောင်းဆိုခဲ့ကြတဲ့ ပြည်သူတွေကို စစ်တပ်က အကြမ်းဖက် ပစ်ခတ်သတ်ဖြတ်ခဲ့ပါတယ်။ ၈၈၈၈ လုံးအရေးတော်ပုံဟာ ဆယ်စုနှစ်တွေကြာခဲ့ပြီဖြစ်ပေမယ့် ပြည်သူလူထုအကြားမှာ နိုးကြားနေဆဲဖြစ်ပါတယ်။

၈၈၈၈ အရေးအခင်းအပြီး နှစ်ပေါင်း ၃၀ ကျော်အကြာ ၂၀၂၁ ခုနှစ် ဖေဖော်ဝါရီ ၁ ရက်နေ့မှာ စစ်တပ်ဟာ ပြည်သူလူထုက ဒီမိုကရေစီနည်းအရ ရွေးချယ်တင်မြောက်ထားတဲ့ အမျိုးသားဒီမိုကရေစီအဖွဲ့ချုပ် (NLD) အစိုးရကို မဲမသမာမှု အကြောင်း ပြချက်နဲ့ အာဏာသိမ်းယူခဲ့ပြီး ဆန္ဒဖော်ထုတ်တဲ့ ပြည်သူတွေကို အကြမ်းဖက် သတ်ဖြတ်ခဲ့ပြန်ပါတယ်။

လက်ရှိအချိန်မှာတော့ အာဏာသိမ်းမှုနောက်ဆက်တွဲကို ပြည်သူလူထု ခံစားနေကြရပြီး အာဏာ အဓမ္မသိမ်းယူခဲ့တဲ့ စစ်တပ်ကိုယ်တိုင်လည်း နိုင်ငံရေးထွက်ပေါက် ပိတ်နေသလို စစ်ရေးအရလည်း အရှုံးတွေနဲ့ ဆက်တိုက် ရင်ဆိုင်နေရပါတယ်။

၈၈၈၈ လူထုအရေးတော်ပုံ၊ ၂၀၂၁ လူထုအရေးတော်ပုံ အခြေအနေတွေ အပါအဝင် လက်ရှိ နိုင်ငံရေး အခြေအနေတွေနဲ့ ပတ်သက်ပြီး ၈၈ မျိုးဆက် ကျောင်းသားခေါင်းဆောင် ဦးမြအေး ကို ဧရာဝတီ မြန်မာပိုင်း အယ်ဒီတာ ကျော်ခ ကဆက်သွယ်မေးမြန်းထားတာဖြစ်ပါတယ်။


#မြန်မာ #ဧရာဝတီ #၈၈၈၈ #ဦးမြအေး #လူထုအရေးတော်ပုံ #ရှစ်လေးလုံးအရေးတော်ပုံ