04_Стихиры на хвалитех: "Ангельския предъидите силы" (день четвёртый)

ДЕНЬ ЧЕТВЁРТЫЙ (23 декабря/5 января н.ст.)

Свято-Троицкая Сергиева лавра. Успенский собор. 4 января 2018 год.

Управляет - архимандрит Диодор
Канонарх - игумен Силуан

На хвалитех стихиры, на 4, глас 6. Подобен: "Ангельския предъидите силы"

Предопределенное Отцем / прежде век/ и предпроповеданное пророки / в последняя,/ таинство явися/, и Бог вочеловечился/, плоть прием от Девы/, зиждется несозданный волею/, Сый бывает / Царь Израилев //, Христос приходит.

Пою Тя, Царю, / пеленами повитаго/, решиши бо пленицы / моих грехопадений/ и славою безсмертною и нетленною / почтив мя, / всего Отцу присвоил еси /, содетельствуя и воззидая/. Тем вопию Ти/: Царь Израилев //, Христос приходит.

Свет, от Света произшедший / и от Девы возсиявший/ сущим на земли / звездою, видевше, / звездословцы волсви / персидскую отлагаху тьму / и звездную всю прелесть/ и в радости / рождшемуся Богу пояху/: благословен пришедый // Бог наш, слава Тебе.

Злак младенческий / неистовне пожинает /, от мудрых наруган быв / Ирод волхвов/, и руку скверноубийственну / на Тя воздвизати мняше, / но пришел еси /, египтяном тьму глубочайшую отгоняя,/ с нимиже поем/: благословен пришедый // Бог наш, слава Тебе.

Слава, глас и подобен тойже:
Пой, / новый Израилю, / песнь нову; / воспой пение Небесное оно /; веселися и красуйся радостию / и ликуй, / принеси светло празднственная: / Бог от юга плотию явися. / Тойже хощет / во Иорданских струях // омытися , яко Человек.

И ныне, глас и подобен тойже:
Явился еси на земли / и с человеки пожил еси /, кесаря повеленьми / с рабы написался еси /; создался еси, не преложився, / неизменен пребыл еси, / весь Сый Бог, / аще и воплотился еси /. Слава Твоему смотрению, / честь, хвала, великолепие // и ныне, и во веки, аминь.