নতুনকৈ উলিওৱা চৰাইদেউৰ মৈদাম || CHARAIDEO MOIDAM || NOBIN BURAGOHAIN

#charaideomoidams #nobinburagohain #assamhistory #assamtourism

চৰাইদেউৰ মৈদামথলীয়ে ইউনেস্ক’ৰ দ্বাৰা বিশ্ব ঐতিহ্যৰ স্বীকৃতি লাভৰ দিশে আগ বাঢ়িছে। এই মৈদামথলীক বিশ্ব ঐতিহ্য ক্ষেত্ৰ হিচাপে ঘোষণা কৰিবৰ বাবে অসম চৰকাৰৰ ২৫ কোটি টকা অনুদানেৰে প্ৰয়োজনীয় কাম-কাজ প্ৰত্নতত্ত্ব সঞ্চালকালয়ে ইতিমধ্যে যোৱা ২ বছৰৰ ভিতৰত সম্পন্ন কৰিছে৷ প্ৰত্নতত্ত্ব সঞ্চালকালয়ে চৰাইদেউৰ মৈদামথলী সুন্দৰকৈ সজাই-পৰাই তোলাৰ উপৰি নতুনকৈ ৯৫.২ হেক্টৰ মাটি মোকলাই ৪০ টাৰো অধিক মৈদাম উদ্ধাৰেৰে সংৰক্ষণ কৰি ৰাখিছে৷ বিশ্ব ঐতিহ্য ক্ষেত্ৰৰ বাবে ইতিমধ্যে সৰ্বমুঠ ৯০ টা মৈদাম ডচিয়াৰত প্ৰেৰণ কৰা হৈছিল৷ ইয়াৰ ভিতৰত কেন্দ্ৰীয় পুৰাতত্ত্ব বিভাগ আৰু ৰাজ্যিক প্ৰত্নতত্ত্ব সঞ্চালকালয়ৰ অধীনৰ মৈদামসমূহো আছে৷ এই মৈদামসমূহৰ সংৰক্ষণ আৰু গৱেষণাৰ উপৰি দৰ্শনাৰ্থীৰ বাবে প্ৰণালীবদ্ধভাৱে নতুনকৈ বাট-পথ নিৰ্মাণ কৰা হৈছে৷ চৰাইদেউৰ মৈদামসমূহৰ লগতে ইয়াৰ দাঁতিকাষৰীয়া দেওশালকে ধৰি সকলোবোৰ প্ৰত্নতাত্ত্বিক সমলক বিশ্ব ঐতিহ্য ক্ষেত্ৰৰ আওঁতাত অন্তৰ্ভুক্ত কৰিছে৷ উল্লেখযোগ্য যে ২০২৩ বৰ্ষৰ জানুৱাৰি মাহৰ ২৭ তাৰিখে ভাৰত চৰকাৰে ইউনেস্ক’ক চৰাইদেউৰ মৈদাম সম্পৰ্কীয় ডচিয়াৰ জমা দিছিল৷ সাধাৰণতে ডচিয়াৰ ভুল হোৱা বুলি বহু সময়ত ইউনেস্ক’ই ওভোটাই পঠিওৱাৰ নজিৰ আছে যদিও চৰাইদেউৰ ডচিয়াৰখন গ্ৰহণ কৰা বুলি বিশ্বৰ আগশাৰীৰ অনুষ্ঠানটোৱে চলিত বৰ্ষৰ মাৰ্চ মাহৰ ৪ তাৰিখে ভাৰত চৰকাৰক অৱগত কৰিছিল৷ আনহাতে, যোৱা ৭ অক্টোবৰ তাৰিখে চৰাইদেউৰ মৈদামথলী পৰীক্ষা কৰিবলৈ ইউনেস্ক’ৰ বিশেষ শাখা ‘ইক’মছ’ৰ বিশেষজ্ঞ লিম চেন চিয়ান প্ৰতিনিধি হিচাপে চৰাইদেউত উপস্থিত হৈছিলহি৷ উল্লেখযোগ্য যে ২০২৪ বৰ্ষৰ বাবে চৰাইদেউৱে বিশ্ব ঐতিহ্য ক্ষেত্ৰ হিচাপে স্বীকৃতি পোৱাৰ পূৰ্ণ সম্ভাৱনাও প্ৰকট হৈ উঠিছে৷ এই কাৰ্যৰ লগত ওতপ্ৰোতভাৱে জড়িত সূত্ৰসমূহে ইয়াৰ সম্ভাৱনা এশ শতাংশ বুলি আমাক জনাইছে৷ ইয়াৰ কাৰণ হ’ল ২০২৪ বৰ্ষৰ বাবে ভাৰত চৰকাৰে ইউনেস্ক’লৈ কেৱল চৰাইদেউৰ মৈদামৰ ডচিয়াৰহে প্ৰেৰণ কৰিছে৷ সেয়ে চৰাইদেউৱে ২০২৪ বৰ্ষৰ পৰা বিশ্ব ঐতিহ্যৰ তালিকাত স্থান পোৱাটো নিশ্চিত হৈ পৰিছে৷ আনহাতে, চৰাইদেউত নতুনকৈ হাবি ভাঙি চাফা কৰি উলিওৱা মৈদামসমূহ এতিয়াও দৰ্শনাৰ্থীৰ বাবে মুকলি কৰা নাই৷ আমি অসমৰ প্ৰত্নতত্ত্ব সঞ্চালকালয়ৰ অনুমতি লৈ সেই স্থানলৈ গৈ প্ৰতিবন্ধকতাৰ মাজতে যিখিনি ভিজুৱেল দেখুৱাব পাৰিছোঁ সেইখিনিকে এই ভিডিঅ’ত দৰ্শকৰ কাৰণে দেখুৱাবলৈ যত্ন কৰিলোঁ৷ --নবীন বুঢ়াগোহাঁই

👍Find me on other Social Media Platforms :
Facebook :   / nobin.buragohain1  
Instagram : buragohainnobin
E-mail : [email protected]

Filming location : Charaideo.

All of the visual in this video is original and recorded on the spot.

Copyright © 2023 Nobin Buragohain

All rights reserved. The unauthorized reproduction or distribution of this copyrighted work is illegal.