Скачать или смотреть Atmosfer. Mütləq Rütubət və Nisbi Rütubət

Havanın rütubəti onun əsas elementlərindən biridir. Temperaturdan asılı olaraq, 1 m 3 havanın su buxarı saxlamaq qabiliyyəti dəyişir. Temperatur yüksəldikcə 1 m 3 havanın su buxarını saxlamaq qabiliyyəti artır, aşağı düşdükdə isə azalır.Havada olan suyun miqdarını nisbi və mütləq rütubətliliklə təyin edirlər. Havadakı su buxarının qramlarla miqdarı – mütləq rütubətlilik, onun isə həmin temperaturda 1m 3 havanın saxlaya biləcəyi su buxarının miqdarına, yəni doyma həddinə olan faizlə nisbəti nisbi rütubətlilik adlanır.
Nisbi rütubətliliyi 30%-ə qədər olan hava quru, 30-60%-ə qədər olan normal, 60%-dən çox olan isə ifrat rütubətlilik sayılır.
Havanın nisbi rütubətinin yüksəlməsi yağıntıların düşmə ehtimalını artırır.
Su buxarının miqdarından asılı olaraq, doymuş və doymamış hava müşahidə edilə bilər . Müəyyən temperaturda 1 m 3 havanın tərkibində mümkün ola biləcək qədər su buxarı olarsa, belə hava doymuş hava hesab olunur. Su buxarının miqdarı mümkün ola biləcək miqdardan az olarsa, belə hava doymamış hava adlanır. Müxtəlif temperaturda 1 m 3 havadakı su buxarının miqdarını və doyma həddini bilməklə, nisbi rütubətliliyi müəyyən etmək olar.
Meteoroloji stansiyalarda havanın rütubətliliyini ölçmək üçün hiqrometr və hiqroqraf adlı cihazlardan istifadə edilir