Kimmste mit zu Lichtn?

Kimmste mit zu Lichtn?


Groade moa im viere und hausn is schunn finster
und nu is o no ‚s letzte Lichtl ausgebrannt.
Dr Ufm dar is aus, kee Hulz is mier an Schuppm
und dr Hund is groad zum Nubber riebergerannt.

Bei dan do rocht de Esse und Licht doas hoann die o
und benn Fleescher hoan die heut urnlch eigesurgt.
Mir hängt dr Magn schunn benn Knien, du bist vor Kälte schunn ganz blo
do is o kenner mi, dar uns irgendwoas burgt.


Mensch, Froe, weeßte woas, kimmste mit zu Lichtn?
Mir dun uns oaschusln doas kenner weeß, war mir senn.
Uff anne Stunde rim zim Nubber, a de woarme Stube,
is oallemo besser, wie drheeme sitzn und flenn.

Vielleicht is vu sen Oabtbrute no woas iberch,
und an Schnoaps dätch o enn nahm,
de Loarfm luss mr uff und soin du mr kee Wurt,
bis die ne wissen, war mir senn, brauch mrch ne scham.


Dr Nubber wusste glei bescheet, wie mir vor senner Diere standn
und soide: Na, do kummt ock irscht moa rei.
Satzt euch noande hi zim Ufm, Froe breng mo woas zu assn,
dorweile giss ich uns a kleenes Schnapsl ei.

Ich hoa zwoar keene Ahnung, wer ihr zwee Firnsnoasen seid
doasr bei mir gekluppert hoabt, do bi ich fruh
denn wenns dan een a woase fahlt und ich kann do woas halflm
do machs doas gerne, den doas gehirrt sich su.


Mensch, Froe, weeßte woas, kimmste mit zu Lichtn?
Mir dun uns oaschusln doas kenner weeß, war mir senn.
Uff anne Stunde rim zim Nubber, a de woarme Stube,
is allemal besser, wie drheeme sitzn und flenn.

Vielleicht is vu sen Oabtbrute no woas iberch,
und an Schnoaps dätch o enn nahm,
de Loarfm luss mr uff und soin du mr kee Wurt,
bis die ne wissen, war mir senn, brauch mrch ne scham.


Wenn heut no es zu Lichtn gitt, dann ock no su zim Spoaße
ne, weils dr heeme finster is und hundekalt
Ock ens koannch euch versprechen, s kumm ganz fix andre Zeiten
heut biste jung und stoark und murrne arm und alt.

Wenn uns de Aln woas mitgegan hoan, dann doas, doass mir uns kimmern
im jenn, der nischt hoat und dar an Drecke leit.
De Schande is ne bei dan, der arm is und zerlumpt
sondern bei jenn, der gehässch und mitn Finger uffn zeigt.


Mensch, Froe, weeßte woas, kimmste mit zu Lichtn?
Mir dun uns oaschusln doas kenner weeß, war mir senn.
Uff anne Stunde rim zim Nubber, a de woarme Stube,
is allemal besser, wie drheeme sitzn und flenn.

Vielleicht is vu sen Oabtbrute no woas iberch,
und an Schnoaps dätch o enn nahm,
de Loarfm luss mr uff und soin du mr kee Wurt,
bis die ne wissen, war mir senn, brauch mrch ne scham.