Скачать или смотреть എന്റെ പക്വത അളക്കാൻ ഞാൻ ആരേയും ചുമതലപ്പെ ടുത്തിയിട്ടില്ല arya rajendran mass speech arya speech new

"എന്റെ പക്വത അളക്കാൻ ഞാൻ ആരെയും ചുമതല പെടുത്തിയിട്ടില്ല"
സ. ആര്യ രാജേന്ദ്രൻ

രണ്ടാം ലോകമഹായുദ്ധക്കെടുതികൾ തന്റെ ഡയറിക്കുറിപ്പുകളിലൂടെ ലോകത്തെയറിയിച്ച, നാസി ഭീകരതയുടെ ഹോളോകോസ്റ്റ് രക്തസാക്ഷികളിലൊരാളായി ഒടുങ്ങേണ്ടിവന്ന, ഇന്ന് ഹിറ്റ്‌ലറെ വെറുക്കുന്ന അതേ ലോകം അടിമുടിയാദരിക്കുന്ന ആൻ ഫ്രാങ്കെന്ന പെൺകുട്ടി ജീവിച്ചത് പതിനഞ്ചു വയസ്സ് വരെ.

പന്ത്രണ്ട് വയസ് മുതൽ സ്ത്രീകളുടെ വിദ്യാഭ്യാസത്തിന് വേണ്ടി ശബ്ദമുയർത്തിയ, പതിനഞ്ചു വയസിൽ തീവ്രവാദികളുടെ വെടിയേറ്റ് തല തകർന്ന, പതിനേഴാം വയസ്സിൽ ലോകത്തിലെ ഏറ്റവും പ്രായംകുറഞ്ഞ നോബൽ സമ്മാന ജേതാവായ മലാല യൂസഫ്ഷാക്ക് ഇന്ന് പ്രായം ഇരുപത്തിമൂന്ന്.

കാലാവസ്ഥാ വ്യതിയാനങ്ങളെക്കുറിച്ച് രണ്ട് വർഷം മുമ്പേ ന്യൂയോർക്കിൽ ഐക്യരാഷ്ട്രസഭയുടെ വേദിയിൽ തീപ്പൊരി പ്രസംഗം നടത്തിയ, എന്റെ തലമുറയുടെ ബാല്യത്തെയും സ്വപ്നങ്ങളെയുമാണ് നിങ്ങളുടെ മുതലാളിത്തനയങ്ങൾ ഇല്ലാതാക്കുന്നതെന്ന് ഭരണാധികാരികളോട് സധൈര്യം വിളിച്ചുപറഞ്ഞ ഗ്രെറ്റ തുൻബെർഗെന്ന പെൺകുട്ടിക്ക് ഇന്ന് പ്രായം പതിനെട്ട്.

ഒരാളുടെ പ്രായമോ അയാൾ ജീവിച്ച ദൈർഘ്യമോ ആണ് അയാളുടെ കഴിവിന്റെ, അയാൾ അർഹിക്കുന്ന ബഹുമാനത്തിന്റെ, അയാൾക്ക് ലഭിക്കുന്ന അനുഭവങ്ങളുടെ അളവുകോലെങ്കിൽ ഇന്ന് ഇവരാരും ചരിത്രത്തിന്റെ ഭാഗമാകുമായിരുന്നില്ല. കൂടുതൽ ഓണമുണ്ട കണക്ക് പറഞ്ഞും, കുട്ടിയല്ലേ ഒന്നുമറിയില്ലെന്നു ഇടിച്ചുതാഴ്ത്തിയും, മുതിർന്നവരെ ബഹുമാനിക്കലാണ് വേണ്ടതെന്ന് പഠിപ്പിച്ചും തലമുറകളുടെ ചിന്തകളെ ജനനം മുതലേ തെറ്റിക്കുന്ന (കു)യുക്തി വിശ്വസിക്കാൻ കൂട്ടാക്കാത്തതുകൊണ്ടാവും ഈ "കുട്ടികൾ" ഇന്ന് കാലത്തിനതീതരായത്. എങ്ങനെ ചിന്തിച്ചുവെന്നും ആ ചിന്തകളാൽ നയിക്കപ്പെട്ട് എങ്ങനെ ജീവിച്ചുവെന്നും ആ ജീവിതം കൊണ്ട് എത്രപേർക്ക് പ്രയോജനപ്പെട്ടുവെന്നുമുള്ളതാണ് കാര്യം. ഒരാളെ മറ്റുള്ളവരിൽ നിന്നും അതിരുകെട്ടി തിരിക്കുന്ന, ആരാലും ഓർക്കപ്പെടുന്നവരാക്കുന്ന മാനദണ്ഡം അത് മാത്രമാണ്.

പ്രതിഭയുള്ള, തന്റെ പണി വൃത്തിയായി എടുക്കാനറിയുന്ന, അതിന് വേണ്ട അനുഭവസമ്പത്തും ആത്മവിശ്വാസവും കൈമുതലായുള്ളവർ മുന്നോട്ട് നടക്കും, പിന്നിലുള്ളവരെ നയിക്കും. വകതിരിവുള്ളവരാൽ ബഹുമാനിക്കപ്പെടും. അവർ നയിക്കുന്നതിലും അവർ നിലകൊള്ളുന്ന നയങ്ങളിലും വെറുപ്പ് കുമിയുന്ന, പ്രായത്തിന്റെ പേരിൽ വിചാരണ നടത്തുന്ന, നല്ലത് കണ്ടാലും നെറികേട് കാണിക്കുന്ന കൂട്ടർ അതേ വെറുപ്പാലെ ചീഞ്ഞഴുകി മണ്ണിലടിയും. അതിപ്പോ യൂറോപ്പിലായാലും ദക്ഷിണേഷ്യയിലായാലും ദോ ഇങ്ങ് കേരളത്തിലായാലും.

അതുകൊണ്ട് പക്വതയുടെ അളവുകോലുമായി ആരും ഇങ്ങോട്ട് വരണ്ട....

.
#aryarajendran
#_the_comrade